Jeremia 51:29 - O Debleskro Lab 2024 (Sinte-Manouche)

²⁹ I phoub trissella oun darella! Kova, hoy o baro Devel pes glan las, vell yaake: O foro Babilon oun o tselo them Babilonia vell i moulo them, kay bouder kek nay djivella.

O Debleskro Drom 2021 (Sinte)

²⁹ I phub trissella un darella! Kowa, hoi o baro Dewel pes glan las, well jaake: O foro Babilon un o tselo them Babilonia well i mulo them, kai buder kek nai djiwella.

Jeremia 51:29 Iomraidhean Croise

Jesaja 14:16

Kolla, kay dikenn tout, krenn bare yaka, oun nay patsenn kova gar: “Hi kova ko morsh, glan koleste i tseli phoub trissas, oun i tsele rayengre themma bari daryah glan leste trissan?

Jesaja 24:20

I phoub perell yek rigyatar ap i vavar har i mato, oun perell khetne har i plarhteno kheer. O čilačo koova ap i phoub hi yaake pharo, te perell li oun stell gar bouder pre.

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jeremia 50:13

Miri rholi vell yaake pral o foro Babilon, te djivell nay kote kek mensho bouder. Či har barra ačell lestar pral. Hakeneske, kay dikell kova, ačell o rakepen krik. Yob trissell peskro shero pral i tseli bibarht hoy kava foro tapras.

Jeremia 50:36

O rharo mou vell pral lengre dourkepangre, te vell diklo, havo dinelo rakepen yon rakran! O rharo mou vell pral lengre zorele morsha, te darenn le!

Jeremia 50:43

Te shounell o baro ray an Babilon lendar, perenn leskre vasta ap leskre herya tele. Oun i bari traash vell ap leste har i traash i djouvyatar, kay i ternepen lella.

Jeremia 50:45

Shounenn, hoy o baro Devel peske glan las te krell lo ap o foro Babilon, oun hoy kamell lo te krell i menshentsa an o them Babilonia. Čačepah, yon halauter venn krik tradedo har bakre. Ninna lengre tikne čave venn krik tserdedo. Hakeneske, kay dikell kova, ačell o rakepen krik.

Jeremia 50:46

Te vell o foro Babilon dren lino, trissell i phoub koy golyatar. Oun koy ropaskri gole vell shounlo an i vavar themma.

Jeremia 51:26

Kek barra hi mank lende, kay hi yaake lačo, te čivenn le i kheer ap lende pre, oun hoy nashte hidjrenn i kheer. Hako tsireske ačell toutar či har barra pral. Kova penell o baro Devel.

Jeremia 51:28

Denn i rayen pral i vavar themma gole, te djan le an o kourepen o foreha Babilon, kol bare rayen dran o them Media, lengre themeskre rayen oun kol vavar pralstunen, ninna kol tsele lourden an kol themma, kay yon penepaske hi.

Jeremia 51:37

Či te ačell o forestar Babilon har barra, oun divye djoukle djivenn kote. Kolenge, kay dikenn ko foro, ačell o rakepen krik i trashatar. O foro vell lenge sapaske. Oun kek mensho djivell bouder kote.

Jeremia 51:43

I vavar forya an o them hi paash dino. O them Babilonia vas i moulo tato them kek panyeha, i divyo trouk them, kay kek mensho djivell, oun kek mensho ap i raysa djal.

Jeremia 8:16

Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

Joel 2:10

I phoub oun o bolepen trissenna glan lende, o kham oun o čon venn kalo, oun i bolepangre momlia rhačenn bouder gar.

Amos 8:8

Doleske krau, te trissell i phoub, oun hakeno an o them trashell. O tselo them hadell pes oun djal pale tele har o lengsto pani Nil an o them Egiptia.

Debleskro tsiro 18:2

Oun yob das zoreles oun bares gole: “O foro peras khetne! O baro foro Babilon peras khetne! Kanna djivenn kote i benga. Kote khatrenn pen kol čirkle oun vavar firhe, kay pale-čiddo hi, oun i menshe darenn lendar.