Jeremia 51:19 - O Debleskro Lab 2024 (Sinte-Manouche)

¹⁹ Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

O Debleskro Drom 2021 (Sinte)

¹⁹ Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Jeremia 51:19 Iomraidhean Croise

Debleskri gili 115:3

Maro Devel hi an o bolepen, oun yob nay krell lauter, hoy lo kamella.

Debleskri gili 135:4

O baro Devel rodas peske o Yakobeskre menshen vin, ava, o Israel las lo, te vell lo leskro.

Debleskri gili 16:5

Tou, baro Devel, hal miro bravlepen, oun deh man lauter, hoy man hounte vell djipaske. Miro tselo djipen hi an tiro vast.

Debleskri gili 33:12

Barhtele hi kol menshe, kolengro Devel o baro Devel hi, kol menshe, kay yob peske vi-rodas, te venn le leskre menshe.

Debleskri gili 73:26

Te djal i zoor peske dran mande, oun miro dji bouder gar zorelo hi, palle ačeh tou, miro Devel, hako tsiro miri zoor oun miro bravlepen.

Debleskri gili 74:2

Ma biste gar, te ham kol menshe, kay tou touke glan i rah tsiro vi-rodal. Tou ginal men vin dran i vasta kolendar, kay men tele rikran. Tou kamal, te vas mer tiro. Ma biste i berga Sion, hoy touke vi-rodal, te djivess kote.

Jesaja 47:4

Kova penell o Israeleskro Devel, kay kokres ko čačo Devel hi, oun kay lell o koova peskre menshendar an peskro vast. Leskro lab hi baro Devel, ray pral o bolepen oun i phoub.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jeremia 10:12

Yob, o baro Devel, kras i phoub peskri zoryah. Dran peskro gosvepen čivas lo i phoub zoreles tardo, oun kras o bolepen koy pral.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 33:2

Kova penell o baro Devel, kay halauter krell oun moukell lauter te vell, hoy lo peske glan las. Baro Devel hi leskro lab.

Jeremia 50:11

Ninna te han barhtelo oun sharenn t'men, kay randan miro them vin, oun stenn har o terne groumya an o zenlepen, oun denn gole har i zorele graya,

Jeremia 50:34

O dives vell, kay lau len kote vin, me hom zorelo. Me, o baro Devel, ko ray pral o bolepen oun i phoub, lau lengro koova an miro vast, oun lau o kourepen krik i phoubyatar, Pral i menshende an o them Babilonia anau traash.

Jeremia 51:5

I Babilonarya kran baro čilačepen ap o Israeleskro Debleste. O Israel oun o Youda van gar mouklo pengro Deblestar, ko baro Deblestar, kay hi o ray pral o bolepen oun i phoub.

Ropaskre gilja 3:24

Me penau mange: O baro Devel hi halauter, hoy man hounte vell; doleske dikau ap leste.

5. Mose 32:9

I Israelitarya hi leskre menshe. Yon, o Yakobeskre čave, hi kolla, kay rodas lo peske vin.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.