Jeremia 51:15 - O Debleskro Lab 2024 (Sinte-Manouche)

¹⁵ Yob, o baro Devel, kras i phoub peskri zoryah, oun kras lat zoreles an peskro gosvepen, oun kras o bolepen koy pral.

O Debleskro Drom 2021 (Sinte)

¹⁵ Job, o baro Dewel, kras i phub peskri sorjah, un kras lat soreles an peskro goswepen, un kras o bolepen koi pral.

Jeremia 51:15 Iomraidhean Croise

Hiob 9:8

Yob kokres kras o bolepen bourhles pral i phoub, oun djal pral o baro pani.

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

Debleskri gili 104:24

Baro Devel, har baro oun boud hi kova, hoy tou halauter kral! Har goseves kral tou halauter! I phoub hi pherdo o tselo koova, hoy tou kral.

Debleskri gili 107:25

Yob rakras, oun i zorelo dourho phourdas, hoy o pani pral oun tele das.

Debleskri gili 136:5

Yob kras o bolepen an peskro gosvepen. Leskro lačepen ačella hako tsireske!

Gosewe laba 3:19

O baro Devel kras i phoub o gosvepah, oun o bolepen yaake, har yob djinas, kay kova mishto his.

Jesaja 40:22

Yob hi kova, kay hi o ray pral i tseli phoub. Oun kolla, kay ap i phoub djivenn, hi glan leste har stepangre. Yob hi kova, kay čivas o bolepen pral i phoub har i bourhli plarhta, har te krell yek i plarhteno kheer, te nay djivell lo dren.

Jesaja 40:26

Hadenn t'mare yaka pre, oun dikenn: Koon kras kova? Yob anell kol tsele bolepangre momlia ap lengro drom, oun djinell kitse yon hi, oun dell hakeni pash peskro lab gole. Oun kek hi koy, hoy palle gar vell. Yaake baro oun zorelo hi lo.

Jesaja 42:5

O baro Devel hi maro ray, kova, kay o bolepen kras, oun har i plarhta bourhles kras. Ninna i phoub kras lo, oun lauter hoy li vin anell. Oun i menshen ap late dell lo o dourho, oun djipen kolende, kay ap late djivenn. Yob penell:

Jesaja 44:24

Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.

Jesaja 45:12

Me hom kova, kay kras i phoub, oun ko menshes, kay ap late hi, ninna. Mire vastentsa krom o bolepen bourhles, oun kol tsele momlia ap leste penom me, kay le venn.

Jesaja 48:13

Mire vastentsa krom i phoub, oun čivom o bolepen bourhles pral i phoub. Me dom len gole, oun yon his koy tardo.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jeremia 27:5

Miri bari zoryah krom kay phoub oun i menshen oun firhen, kay ap i phoub hi. Oun me dau len, koneste kamau.

Jeremia 32:17

Baro Devel, miro ray, tou kral o bolepen oun i phoub dran tiri bari zoor oun tiro zorelo vasteha. Oun či hi koy, hoy nay kreh gar.

Zakarie 12:1

Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.

Bičepangre 14:15

“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.

Bičepangre 17:24

Ko Devel kras o bolepen oun i phoub, oun lauter, hoy koy pre hi. Yob hi o ray pral o bolepen oun i phoub. Yob djivell gar an i Debleskre khera, kay i menshe pengre vastentsa kran.

Remarja 1:20

Ninna te dikenn le o Debles gar, nay dikenn le leskri bari zoor an halauter, hoy yob kras. Kova vell diklo yaake rah har i phoub tardo hi. Yon nay djinenn, te hi i Devel koy, oun nay penenn gar: “Mer djinam kova gar.”

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Debleskro tsiro 4:11

“Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”