Jeremia 50:18 - O Debleskro Lab 2024 (Sinte-Manouche)

¹⁸ Doleske penell o baro Devel, ko ray pral o bolepen oun i phoub, kay o Israeleskro Devel hi: Čačepah, me dau o rayes pral o them Babilonia oun leskro them pengri phagi, yaake har dom o rayes pral o them Assour peskri phagi.

O Debleskro Drom 2021 (Sinte)

¹⁸ Doleske penell o baro Dewel, ko rai pral o bolepen un i phub, kai o Israeleskro Dewel hi: Tchatchepah, me dau o rajes pral o them Babilonia un leskro them pengri phagi, jaake har dom o rajes pral o them Assur peskri phagi.

Jeremia 50:18 Iomraidhean Croise

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

Jeremia 46:10

Kava hi o dives o baro Deblestar, kay hi o ray pral o bolepen oun i phoub. Ap ko dives dell lo kolen, kay kamenn les gar, kova pale, hoy yon ap leskre menshende kran. Leskro rharo rhal len, bis te hi lo čalo, oun vell mato lengro rateha. Yon hi har firhe, kay maredo venn o baro Debleske, kova, kay hi o ray pral o bolepen oun i phoub. Yob moukell len moulo te dell pash o pani Eufrat an o them, hoy kote čiddo hi, kay norden hi.

Nahum 3:18

Tou, o baro ray pral o them Assour, djiness, i pralstoune pral tiro them sovenn hako tsireske, oun tire zorele morsha stenn bouder gar pre. I menshe an tiro them hi kate te kote tradedo ap i berge. Oun kek dell len khetne gole.

Nahum 3:7

Hakeno, kay tout palle dikell, nashell toutar oun penell: Ninive hi paash dino! Kekes khaytell ko foro. Kekes hi lače laba ko foreske.

Habakuk 2:8

Tou čoral i menshen an boud themma vin. Tou maral boud lendar, kral lengro them oun lengre forya paash, oun djal zoryah ap halauterende, kay kote djivenn. Doleske čorenn tout kanna kolla vin, kay djido ačan.

5. Mose 32:41

Me krau, te činell miro rharo mishto, te vell o čačepen kerdo. Oun me dau o čilačepen ap kolengre sherya pale, kay kouran pen mantsa. Oun miri rholi vell ap kolende, kay hi rhoyedo ap mande rhoyedo.