Jeremia 50:11 - O Debleskro Lab 2024 (Sinte-Manouche)

¹¹ Ninna te han barhtelo oun sharenn t'men, kay randan miro them vin, oun stenn har o terne groumya an o zenlepen, oun denn gole har i zorele graya,

O Debleskro Drom 2021 (Sinte)

¹¹ Ninna te han bachtelo un sharenn tumen, kai randan miro them win, un stenn har o terne grumja an o senlepen, un denn gole har i sorele graja,

Jeremia 50:11 Iomraidhean Croise

Debleskri gili 22:12

Ač gar dour mandar, man hi daar, oun kek hi ap miri rig tardo.

Gosewe laba 17:5

Kova kay pral i čorveleste sal, kova praasell koles, kay les kras. Kova, kay barhtelo hi pral o vavareskri bibarht, savo lell peskri phagi.

Jesaja 47:6

Me homs rhoyedo pral mire menshende, oun čivom len pale mandar, har te vans le bouder gar mire, oun dom len an tiro vast. Oun tout his kek dji lenge. Ninna ap i phourende čival tou tiro pharo vast oun dal len phari boudi.

Jesaja 47:8

Shoun kanna, tou, kay kameh o bravlepen, oun patseh, kote kay beshdo hal, nay djal touke či, oun an tiro dji peneh: “Me hom i bareder. Kek vell zorleder har me. Me hom kek, kolakro rom merella, oun me hom kek, kolat kek čave hi.”

Jeremia 12:14

O baro Devel penella: Kol čilače menshe, kay djivenn troul mire menshende, oun tapran lengro them an, hoy dom mire menshende Israel, te vell ko them lengro hako tsireske, kolen lauter tradau dran lengro them vin. Oun o kheer Youda lau dran lengre vasta vin.

Jeremia 46:20

O them Egiptia hi har i shoukar terni groumni. O marepaskro vell koy rigyatar, kay norden hi, te marell lo lat.

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

Jeremia 5:28

Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

Jeremia 5:8

Hakenes hi rhanč ap kol vavareskri romyate har i gray, kay divyo hi pal haki djouvyate.

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

Jeremia 50:27

Marenn i tsele terne morshen, denn len tele čourye har terne gourma! Har djoungeles djal lenge! Lengro dives vas, ko tsiro, kay lenn le pengri phagi!

Ropaskre gilja 1:21

I menshe shounan, har dau phares dourho, oun kek vell, te penell lo mange lače laba. Kolla, kay hi rhoyedo ap mande, shounan miri bibarhtyatar, oun sanan, te kral tou kova mantsa. Mouk ko dives te vell, kolestar rakral, te djal lenge har mange kanna.

Ezekiel 35:15

Tou hals barhtelo, har vas o Israelengro them i moulo them. Doleske krau, te djal touke yaake har lenge djas. I berga Seir khetne o tselo them Edom vell i moulo them. Palle dikenn oun hayvenn i menshe, te hom me o baro Devel.

Ezekiel 36:5

Doleske penell o baro Devel, maro ray: Čačepah, an miri tati rholi rakrom me i phagi vin pral i menshende an o them Edom oun an i themma troul t'mende, kolla miro them penge lan, te randenn le les vin. Koy pashel san le pen moulo pral t'mende, te djas t'menge yaake, oun praasan t'men.

Hosea 10:11

O Efrayim his i terni groumni hoy boudras mishto, te dell li o djob vin. Har dikom lakro shoukar meen, čivom lake i kasht pre, te dap lat i phareder boudi: O Youda te vitsrell i phoub trouyel, oun o Yakob hounte krell i phoub čačo.

Amos 4:1

Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Obadja 1:12

Tou, Edom, ma dik bouder tele ap tiro phraleste, o Youda, an ko tsiro, kay leske djoungeles djal! Ma sa bouder pral leskre čavende an ko tsiro, kay lenge ropaske hi! Ma rake yaake pre-phourdo an ko tsiro, kay yon darenna!

Habakuk 1:15

kolen yon vin tserdenn pengre ranyentsa oun pengre mačengre gonentsa, oun khetne čivenn an pengre netse. Palle sal lengro dji, oun yon denn gole i barhtyatar.

Zakarie 14:12

Oun kova hi ko pharo nasslepen, hoy o baro Devel ap kolende čivell, kay djan an o kourepen o foreha Yerusalem: Lengro mass merell tele, har le gomme ap lengre pire tardo hi, lengre yaka an o shero oun lengri čip an o mouy merenn tele oun perenn vin.

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.