Jeremia 5:9 - O Debleskro Lab 2024 (Sinte-Manouche)

⁹ Oun me hounte dap len kek phagi? penell o baro Devel, oun dap have menshen har kalla gar pale, hoy yon kran?

O Debleskro Drom 2021 (Sinte)

⁹ Un me hunte dap len kek phagi? penell o baro Dewel, un dap hawe menshen har kalla gar pale, hoi jon kran?

Jeremia 5:9 Iomraidhean Croise

Gosewe laba 6:29

Yaake djal koleske, kay pash i romyate i vavarestar djal. Hakeno, kay lat an-taprell, lell peskri phagi.

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Jesaja 57:6

Oun ap kol lače platse an i tala čorenn t'mer lenge rhapen oun pipen vin. Doleske vell ko dives, kay venn kote maredo čiddo! Patsenn čačepah, te dau yekes, kay savo koova krell, kova gar pale?

Jeremia 23:2

Doleske penell o baro Devel, ko Devel pral o Israel, ap i pralstunende, kay hounte dans garda ap leskre menshende: T'mer rikran mire menshen gar khetne. Yon hi har bakre, kay van kate te kote tradedo. T'mer dan gar garda ap lende. Kanna dau me garda, te lenn t'mer t'mari phagi ko čilačepaske, hoy kran.

Jeremia 32:31

Bari rholi rhačas an mande pral kava foro yaake rah har lo tardo hi. Doleske hounte čivap les glan mande krik, te dikap les bouder gar.

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 5:10

Nashenn pre, kay lengre drakengre rouka tardo hi, oun krenn len paash! Ma tserdenn i tsele bourra vin! Moukenn čomone tardo! Tserdenn i kashta i drakentsa vin, kolla hi gar mange.

Jeremia 5:29

Moukap me len kova te krell oun penap či koy pre, penell o baro Devel. Dap me save menshen kek phagi?

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Jeremia 6:6

Kava penell o baro Devel, o ray pral o bolepen oun i phoub: Denn i rouka tele an o foro Yerusalem, oun krenn i drom, hoy djal pre ap o foreskri massouri o forestar Yerusalem! An kava foro hi či har čilačepen dren. Doleske lell lo peskri phagi.

Jeremia 9:8

Dap me save menshen kek phagi, penell o baro Devel. Moukap me kal menshen yaake te djal, oun krap lenge či?

Jeremia 9:9

Me kamau pral kava them an i berge rovell, oun pral ko zenelo pralstouno them i ropaskri gili te givell. Lauter hi pre-rhačedo. Kek mensho djal koy trouyel. Kek groumya oun bakre denn kote gole. Ninna kol čirkle oun i divye firhe nashan penge, oun moukenn pen bouder gar te dikell.

Ropaskre gilja 3:42

Mer anam doosh pral mende kokres, oun shounam gar ap toute. Kova bistral tou menge gar.

Ropaskre gilja 4:22

T'mer an o foro Sion, palle hi t'mari doosh t'mendar krik lino! O baro Devel moukell t'men bouder gar pandles krik te anell. Palle anell yob t'mari doosh, t'mer Edomarya, ap t'mare sherya pale, oun čakrell ko čilačo koova pre, hoy kran.

Ezekiel 7:9

Me dikau bouder gar lačes ap t'mende. Man khaytenn t'mer gar. Ko djoungelo koova, hoy kran, vell ap t'mare sherya pale. Oun t'mer lenn t'mari phagi. Oun t'mer dikenn oun hayvenn palle, te hom me o baro Devel, kova kay t'men dell.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

3. Mose 18:25

O tselo them vas koleha pale-čiddo kerdo. Me anau lengri doosh ap lende pale, oun krau, te venn kol menshe vin tradedo dran ko them, kay le djivenn.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

Nahum 1:2

O baro Devel hi i Devel, kay kamell, te mangenn i menshe kek vavar debles an har les kokres. Leskri rholi vell pral kolende, kay hadenn pen pral leste. Kolen, kay kamenn lestar či te djinell, dell yob i phagi. Oun bistrell gar, hoy yon ap leste kran.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.