Jeremia 5:7 - O Debleskro Lab 2024 (Sinte-Manouche)

⁷ Hoske bistrap i doosh mire menshendar? Yon djan mandar krik, oun denn pen sovel pash koleste, kay kek devel hi. Har me len čalo krom, phagan le mantsa, oun djan an i loubyengro kheer.

O Debleskro Drom 2021 (Sinte)

⁷ Hoske bistrap i doosh mire menshendar? Jon djan mandar krik, un denn pen sowel pash koleste, kai kek dewel hi. Har me len tchalo krom, phagan le mantsa, un djan an i lubjengro kheer.

Jeremia 5:7 Iomraidhean Croise

2. Familjakro liil 13:9

T'mer tradan i rashayen o baro Deblestar – kolla hi o Aroneskre čave, – ninna i Levitaryen dran t'mende krik, oun kran t'menge neve rashaya, har krenn i menshe an vavar themma. Hakeno, kay vas, oun les his hi terni morsh groumni oun efta bakre pash peste, kova nay vas i rashay t'mare figurenge, kay kek devel hi.

Hiob 31:12

Savi doosh vals har i yag, hoy man tseles rhačrell, oun ninna halauter, hoy man hi, pre rhals.

Debleskri gili 50:18

Hako kopo, kay dikeh tou i čorepaskres, kreh tou tout leskro maal, oun hal beshdo khetne kolentsa, kay djan i vavar romyentsa.

Jeremia 12:16

Yon sikran mire menshende, har te denn le pen sovel ap o debleste Baal. Kanna vell yaake: Te moukenn yon pen mire menshendar te sikrell, har te denn yon pen ap miro lab sovel, oun penenn: Pash o djido Debleste … palle moukau len mashkral mire menshende te djivell.

Jeremia 13:27

Yerusalem, me dikom, har moukal man, dikom tiri rhanč pal vavar deblen, tiro vi-ladjedo koova, tire figure, kolentsa rhoyral man ap i berge oun ap o them. Tou bibarhteli, hal pale-čiddo glan mande! Har rah kameh tou kova te ačell?

Jeremia 16:11

Palle hounte peness tou lenge: T'mare phoure djan mandar krik, oun nashan vavar deblenge palla. Yon vitsran pen tele glan lende oun mangan len an. Man moukan le oun rikran pen gar ap kol laba, hoy lenge penom.

Jeremia 16:20

Kek mensho nay krell peske deblen. Hoy lo krell, hi kek devel.

Jeremia 2:11

Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

Jeremia 2:31

O baro Devel penell: T'mer čilače menshe! Denn garda ap kova, hoy me t'menge penau! Hom me i Israelenge i moulo them, i them, kay kek pani hi? Hoske penenn mire menshe: Mer nay djah, kay kamah, oun hounte nashas touke gar bouder gar pal.

Jeremia 23:10

O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Jeremia 7:9

T'mer han čorepangre oun marepangre, kay denn vavaren moulo, t'mer morsha rhorhenn t'mare romyen vavar djouvyentsa, t'mer djouvya, rhorhenn t'mare romen, vavar morshentsa, t'mer denn t'men sovel oun rikrenn koya gar dren, t'mer rhačrenn firhen o rhorheno debleske Baal oun nashenn pal vavar deblende.

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Jeremia 9:2

Lengri čip hi har i čouri. Lengro rhorhepah van le zoreles an o them. O čačepen rakrenn le gar. Yek čilačo koova pal o vavar krenn le. Man prindjrenn yon gar, penell o baro Devel.

Ropaskre gilja 3:42

Mer anam doosh pral mende kokres, oun shounam gar ap toute. Kova bistral tou menge gar.

Ezekiel 22:11

Ko yek sovell i vavareskri romyah, oun ko vavar sovell peskro čaveskri romyah oun krell lat yaake pale-čiddo. Pale i vavar taprell zoryah peskri phenyat an, ko čat peskro dadestar.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

Hosea 7:4

Yon halauter hi phoukepangre. Lengri rholi rhačell har i yag an i bob, hoy hi yaake tato, te hounte dell o pekepaskro bouder gar yak koy pre, yaake rah har krell lo o maro, hoy kamell lo te pekell.

3. Mose 20:10

Te sovell yek i romyah i vavarestar, hounte venn kol douy maredo.

Amos 8:14

Oun kolla, kay denn pen sovel pash o rhorheno devel an Samaria, oun penenn: pash ko devel, koles o kheer Dan an-mangell, oun pash o devel o forestar Beersheba, kal menshe perenn oun stenn bouder gar pre.

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

1. Korintarja 6:9

T'mer hounte djinenn, kolla, kay čilačo koova krenna, venn gar pash o Debleste an o bolepen, oun lenn gar ko lačo koova, hoy o Debles peskre čavenge hi. Ma rhorhenn t'men kokres! Kolla, kay vi-ladjedo koova krenna, venn gar pash o Debleste an o bolepen, vitar gar kolla, kay mangenn vavar koova an har o Debles, vitar gar kol morsha, kay rhorhenn pengri romyat i vavar djouvyah, vitar gar kol djouvya, kay rhorhenn pengro romes i vavar morsheha, vitar gar kol morsha, kay krenn vi-ladjedo koova vavar morshentsa oun čaventsa,

1. Korintarja 8:4

Nay rhah mer kanna ko mass, hoy anan le glan i figura, hoy mangenn le an, har te vals li i devel? Mer djinah halauter, kay hi i figura kek čačo devel. Dell yek Devel oun kek vavar.

Galatarja 4:8

An ko tsiro, kay prindjran t'mer o Debles gar, hans vavarenge koy, har te vans le o Devel.

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.

5. Mose 32:21

Yon doukan oun rhoyran man, har mangan le kolen an, kay kek debla hi. Yaake kamau me les ninna lentsa te krell, oun lau mange vavar menshen, te zilverenn le oun rhoyrenn pen pral menshende, kay prindjran man gar.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.

Josua 23:7

Ma čivenn t'men khetne kol vavar menshentsa, kay gomme an kava them djivenn. Lengre deblen denn gar an-gole! Ma denn t'men sovel pash lende! Ma anenn lenge firhen oun vavar koova! Ma vitsrenn t'men tele glan lende!