Jeremia 5:6 - O Debleskro Lab 2024 (Sinte-Manouche)

⁶ Doleske venna leve dran o veesh oun marenn len; divye djoukle dran o divyo oun trouk them dandrenn len an kotya, oun bare divye margodje lourenn glan lengre forya. Hakeno, koon vin vella, vella an kotya dandedo. Lengri doosh hi boud oun phari. Boud kope djan le mandar krik.

O Debleskro Drom 2021 (Sinte)

⁶ Doleske wenna lewe dran o weesh un marenn len; diwje djukle dran o diwjo un truk them dandrenn len an kotja, un bare diwje margodje lurenn glan lengre forja. Hakeno, koon win wella, wella an kotja dandedo. Lengri doosh hi bud un phari. Bud kope djan le mandar krik.

Jeremia 5:6 Iomraidhean Croise

2. Familjakro liil 36:14

Ninna i tsele pralstoune an o them Youda oun i rashaya oun i menshe an o them kran pengri doosh gomme bareder pengro djipah: Yon djivan pal ko djoungelo koova, hoy i menshe an i vavar themma kran, oun kran o baro Debleskro kheer pale-čiddo, ko kheer, hoy yob vi-rodas, te djivell lo kote an o foro Yerusalem.

Esra 10:10

Oun o Esra, ko rashay, stas pre oun rakras lentsa oun penas: “T'mer peran o Deblestar tele, kay lan t'menge romyen kol menshendar, kay gar t'mendar hi, oun yaake anan t'mer boudeder doosh ap Israel.

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

Hiob 10:16

Te hadau miro shero pre, palle leh tou man palla, har te vals i levo, oun sikreh tiri bari zoor, te doukress man.

Debleskri gili 104:20

Tou peneh, te vell rati, oun koy venn i tsele veshengre firhe vin.

Debleskri gili 80:13

Hoske phagal tou kol barra tele, hoy troul leste pre-čiddo van? Kanna nay lell hakeno peske drake lestar tele, kay kote djal.

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jesaja 59:12

Baro Devel, boud kope peram toutar tele. Mari doosh, hoy mer ap mende lam, sikrell har čilačo ham. Ko čilačepen, hoy kram, hi glan mare yaka, oun mer djinah, havo djounglepen ap toute kram:

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jeremia 2:15

O levo dell gole pral leste, dell zorelo gole oun krell leskro them paash. Oun leskre forya venn pre rhačedo yaake, kay nay djivenn kek koy dren.

Jeremia 2:17

Kova lauter hi tiri doosh! Boud kope kamas o baro Devel, tiro ray, tout ap o čačo drom te anell. Oun tou moukal les!

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 2:31

O baro Devel penell: T'mer čilače menshe! Denn garda ap kova, hoy me t'menge penau! Hom me i Israelenge i moulo them, i them, kay kek pani hi? Hoske penenn mire menshe: Mer nay djah, kay kamah, oun hounte nashas touke gar bouder gar pal.

Jeremia 25:38

Yob djas vin, har i terno levo vin vell dran peskro khatepen, te marell lo. Oun lengro them ačas khetne stakedo čiddo. Yaake baro his o kourepen, oun o baro Debleskri rholi pral lende.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 30:15

Hoske deh tou gole pral tiro phagepen? Kova, hoy touke douka krell, nay krell kek sasto. Tiri doosh hi baro, oun tiro čilačo koova hi boud. Doleske dom tout kay phagi.

Jeremia 30:24

O baro Debleskri rholi moukell gar tele, bis te kras lo, hoy les glan hi. I tsiro vell, kay hayvenn t'mer kova.

Jeremia 4:7

I marepaskro, hoy marell i menshen an boud themma, stas pre. Har i levo, hoy vell dran o veesh, kras lo pes ap o drom, te dell yob t'maro them paash oun rhačrell t'mare forya yaake, kay nay djivell kek koy dren.

Jeremia 49:19

Har i levo vin vell dran i bourra pash o pani Yordan, vau me, oun tradau i Edomaryen sik dran lengro them, oun čivau koles pral o them, kones me vin rodom. Kek hi har me! Kek hounte penell mange, hoy te krap! oun kek ray hi zorleder har me!

Jeremia 8:5

Hoske nashrenn pen kal menshe an o foro Yerusalem pale te pale, oun rissrenn gar trouyel? Yon ačenn pash kol rhorhene deblende, oun kamenn gar palpale pash mande te vell.

Jeremia 8:7

O storko tel o bolepen djinell peskro tsiro, oun kol vavar čirkle rikrenn o tsiro dren, kay venn le pale.

Ropaskre gilja 1:5

Kolla, kay kamenn o foreske čilačepen te krell, len hi kanna penepaske pral leste, oun lenge djal mishto. O baro Devel anas koy bibarht pral o foro te dell lo les i phagi leskri boud doshake. Oun kolla, kay lan o foro dren, lan i čaven pandles, oun tradan len glan pende vin dran o them.

Ezekiel 16:25

Oun kote kay i dromma khetne venn, kral mangepaskre platse oun kral te vas tiro shoukapen čadepaske. Oun soval hakeneha, kay vas touke ap o drom. Oun tiro loubyengro koova vas boudeder oun boudeder.

Ezekiel 22:27

Tire pralstoune hi har divye djoukle, kay marenn, oun hi boklo pal rat. Yon marenn menshen, te lenn le lengro koova penge.

Ezekiel 23:19

Oun yoy kras kova gomme djoungleder, oun lake vas ko tsiro an o shero, har li terni his, oun an o them Egiptia i loubni vas.

Daniel 7:4

O ersto his har i levo, oun les his čirklengre moussya har i adlari. Oun me dikom, har i bare čirklengre moussya lestar krik lino van. Oun ko firho vas pre hadedo i phoubyatar, oun pre-čiddo ap peskre pire har i mensho. Oun les vas o dji i menshestar dino.

Daniel 7:6

Oun pal kova dikom i vavar firhes, hoy vin dikas har i bari margodja. Koles his star čirklengre moussya ap peskro doumo. Oun ko firhes his star sherya oun les vas bari zoor dino pral i menshende.

Hosea 5:14

Me hom o themeske Efrayim har i levo, oun o khereske Youda har i terno levo. Me dandrau len an kotya, oun djau mange. Me hidjrau len krik, oun kek nay lell len dran miro vast vin.

Habakuk 1:8

Lengre graya hi sikeder har i bare divye margodje. Oun yon dandrenn sikeder har i divye djoukle an i rati. Lengre boud lourde venna dran i dour them, oun klissenna yaake sik har i adlari tele djal, te taprell lo i firhes.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

4. Mose 32:14

Oun kanna krenn t'mer ko emligo koova! T'mer han čače čave t'mare dadendar! Morsha, kay o Debleskro drom tele djan oun krenn, te vell o baro Debleskri rholi pral Israel bareder.

Debleskro tsiro 13:2

Oun ko firho, hoy me dikom, his har i bari divyi margodja. Leskre herya his baro oun zorelo. Oun an leskro mouy his bare danda. Oun ko baro lolo sap das les peskri zoor oun peskro beshepaskro, te vas ko firho i baro ray, koles boud penepaske hi.