Jeremia 5:5 - O Debleskro Lab 2024 (Sinte-Manouche)

⁵ Me kamau pash i pralstunende te djal, te rakrap lentsa. Kolla djinenn o Debleskro drom oun nay penenn mange, hoy an i yaka lengro Deblestar mishto hi. Palle hayvom: Ninna kolla kaman gar, te vell yob lengro ray, oun kaman gar ap leste te shounell.

O Debleskro Drom 2021 (Sinte)

⁵ Me kamau pash i pralstunende te djal, te rakrap lentsa. Kolla djinenn o Debleskro drom un nai penenn mange, hoi an i jaka lengro Deblestar mishto hi. Palle haiwom: Ninna kolla kaman gar, te well job lengro rai, un kaman gar ap leste te shunell.

Jeremia 5:5 Iomraidhean Croise

2. Familjakro liil 36:14

Ninna i tsele pralstoune an o them Youda oun i rashaya oun i menshe an o them kran pengri doosh gomme bareder pengro djipah: Yon djivan pal ko djoungelo koova, hoy i menshe an i vavar themma kran, oun kran o baro Debleskro kheer pale-čiddo, ko kheer, hoy yob vi-rodas, te djivell lo kote an o foro Yerusalem.

2. Mose 32:25

O Mose dikas, kay i Israelitarya bipandle van. O Aron moukas len te krell, hoy yon kaman. Yon kran pen sapaske kolenge, kay kamenn pen lentsa te kourell.

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 2:31

O baro Devel penell: T'mer čilače menshe! Denn garda ap kova, hoy me t'menge penau! Hom me i Israelenge i moulo them, i them, kay kek pani hi? Hoske penenn mire menshe: Mer nay djah, kay kamah, oun hounte nashas touke gar bouder gar pal.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 6:13

Kol baren oun kol tiknen hi bok ap bravlepen, hoy gar lengro hi. Oun o Debleskre rakepangre oun i rashaya rhorhenn i menshen,

Jeremia 8:7

O storko tel o bolepen djinell peskro tsiro, oun kol vavar čirkle rikrenn o tsiro dren, kay venn le pale.

Jeremia 9:3

Hakeno mou dell pes garda peskro malestar, oun ninna peskro phralestar! Yek phraal dell kol vavar phrales pral i kanda. Oun i maal rakrell djoungeles pral o vavareste.

Ezekiel 11:2

Oun o baro Devel penas ap mande: Tou, mensho, kalla hi kol morsha, kolen čilačepen glan hi. Te poučenn i menshe an o foro lendar: “Hoy hounte kras mer?” Palle penenn le lenge savo koova, hoy anell len an i bibarht.

Amos 4:1

Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Amos 6:1

Djungeles djal kolenge, kay djivenn i shoukar djipen ap i berga Sion! Djungeles djal kolenge, kay djivenn an o foro Samaria, oun krenn pen kek shero! Djungeles djal t'menge, kay han i raya pral Israel – koy an-dikli natsyona, pash kolende i Israelitarya venna!

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Louka 18:24

Oun o Yezous dikas, kay kol laba les doukan. Oun yob penas: “Har pharo hi i bravelenge, te venn le ap o Debleskro drom.

Louka 19:14

I menshe an peskro them his rhoyedo ap leste oun bičran morshen leske palla, te penenn le leske: Mer kamah gar, te vess tou baro ray pral mende!