Jeremia 5:28 - O Debleskro Lab 2024 (Sinte-Manouche)

²⁸ Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

O Debleskro Drom 2021 (Sinte)

²⁸ Thullo un pesso hi le, un mukenn gar tele te krenn le tchilatchepen. O tchatchepen lenn le gar an o wast, te lenn kolendar pengro tchatchepen, kai tchorwelo hi, ninna kol tchawendar, kai len kek dad buder hi.

Jeremia 5:28 Iomraidhean Croise

Hiob 12:6

I khera kolendar, kay i vavaren zoryah tele rikrenn, hi zoreles tardo. Oun kek krell kolenge daar, kay krenn savo koova te vell o Devel rhoyedo, Yon patsenn, te hi len o Devel an pengro vast.

Debleskri gili 119:70

Kolla menshe pandan pengre djia, te hayvenn le gar tiro lab. Me hom barhtelo, te djap tiro drom.

Debleskri gili 72:4

O baro ray mou rakrell i čorvelenge mishto, oun vell ap i rig kolendar, kay tele rikedo venn, oun stakrell kolen khetne, kay len doukrenna.

Debleskri gili 73:12

Yaake hi kol čilače. Len hi i shoukar djipen. Bravleder oun bravleder venn le.

Debleskri gili 73:4

Kek douka hi len, sasto oun pesso hi le.

Gosewe laba 15:25

O baro Devel phagell o kheer kolestar, kay pre-phourdo hi. Yob dell yak, te lell kek koy phoub i romyatar krik, kolakro rom meras.

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?

Jeremia 2:33

Har sik hatseh tou i drom, te less touke i vavar pirnes! Oun yaake djas tou pale te pale ap čilače dromma.

Jeremia 22:3

Kova penell o baro Devel: Krenn hakeneske, hoy mishto oun čačo hi! Oun lenn kolen, kay van vi-čoredo dran kol čilačengre vasta vin! Oun lenn či krik kol menshendar, kay hi vi-themarya pash t'mende, vitar gar kol čavendar, kolen kek dad bouder hi, oun kol romyendar, kolengro rom meras. Ma djan zoryah ap yekeste pre! Ma bičrenn kolen an o merepen, kay kek doosh ap lende lan.

Jeremia 7:6

Ma rikrenn kolen tele, kay hi dran i vavar them, vitar gar kol čaven, kay len kek dad bouder hi, oun kol romyen, kay len kek rom bouder hi! Ma denn kol menshen ratles, kay kek čilačepen kran! Ma nashenn vavar deblenge palla. Yon anenn t'men an i bibarht.

Amos 4:1

Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Zakarie 7:10

Ma krenn čilačepen kol romyenge, kolengro rom meras, oun kol čavenge, kolen kek dad bouder hi, vitar gar kolenge, kay vi-themarya hi oun kol čorvelenge! Ma lenn t'menge glan an t'mare djia, te doukrenn t'maro phrales!”

1. Korintarja 5:1

Me shounom, te hi pash t'mende i morsh, kay peskri dadeskri romyah sovella. Savo čilačo koova shounom me gomme gar pash kolende, kay gar patslo hi.

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.