Jeremia 5:21 - O Debleskro Lab 2024 (Sinte-Manouche)

²¹ Shounenn kay, t'mer menshe, kay t'men či an o shero hi, kay len yaka hi, oun dikenn či, kay len kanda hi oun shounenn či!

O Debleskro Drom 2021 (Sinte)

²¹ Shunenn kai, tumer menshe, kai tumen tchi an o shero hi, kai len jaka hi, un dikenn tchi, kai len kanda hi un shunenn tchi!

Jeremia 5:21 Iomraidhean Croise

Debleskri gili 94:8

Denn yak, t'mer dinele mank i menshende, t'mer narvele, kamenn gar gosevo te vell?

Gosewe laba 17:16

Hoske hounte dals i dinelo love vin, te nay djal lo an i sikepaskri? Leske djal či an leskro shero.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 43:8

An kay glan mande kol menshen, kay korele hi, ninna te hi len yaka, oun kolen, kay shounenn gar, ninna te hi len kanda!

Jesaja 44:18

Kolla, kay mangenn i figuren an, hayvenn či, kek gosvepen hi an lende, lengre yaka hi pandlo, te nay dikenn le či. Oun lengro dji hayvell či.

Jeremia 10:8

Lauter hi yon dinelo oun narvelo, kolla, kay mangenn o kasht an. Kol debla nay sikrenn lende či.

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Jeremia 5:20

O baro Devel penas ap mande: Pen ap kol menshende dran o kheer Yakob, oun ap kol menshende an o them Youda:

Jeremia 5:4

Me penom mange: Kolla hi čorvele menshe, kay či djinenna, oun prindjrenn gar o Debleskro drom oun leskro čačepen.

Jeremia 6:10

Koneha rakrap me? Koneske penap toutar? Koon shounella koy pre? Lengre kanda hi pandlo. Yon nay shounenn gar, hoy tou lenge kameh te penell, oun san pral tire laba, oun rhoyrenn pen pral lende.

Jeremia 7:13

T'mer kran ninna lauter savo koova, penell o baro Devel. Oun me rakrom pale te pale t'mentsa, oun t'mer kaman gar te shounell. Oun me dom t'men gole, oun t'mer penan koy pre či.

Jeremia 8:7

O storko tel o bolepen djinell peskro tsiro, oun kol vavar čirkle rikrenn o tsiro dren, kay venn le pale.

Ezekiel 12:2

Tou, mensho, djiveh mank save menshende, kay moukenn pen či te penell. Kolen hi yaka, te dikenn le, oun kamenn či te dikell. Oun len hi kanda, te shounenn le, oun kamenn gar te shounell. Yon moukenn pen či te penell.

Hosea 7:11

O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.

Zakarie 7:11

Mire menshe kaman gar yak te dell ap mire laba, oun rissran mange pengro doumo, oun pandan pengre kanda, te shounenn le gar, hoy me lenge penom.

Markus 4:12

te nay dikenn le kova pengre yakentsa, oun hayvenn les gar, oun te nay shounenn le les, oun hayvenn les gar, te venn le gar pash o Debleste, te lell lo lengri doosh lendar.

Markus 8:18

T'men hi yaka, oun dikenn či. Oun t'men hi kanna, oun shounenn či. Djinenn t'mer bouder gar,

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

Bičepangre 28:26

Dja pash kol menshende oun pen lenge: I kandentsa shounenn t'mer, oun hayvenn či. I yakentsa dikenn t'mer, oun dikenn či.

Remarja 1:20

Ninna te dikenn le o Debles gar, nay dikenn le leskri bari zoor an halauter, hoy yob kras. Kova vell diklo yaake rah har i phoub tardo hi. Yon nay djinenn, te hi i Devel koy, oun nay penenn gar: “Mer djinam kova gar.”

Remarja 11:8

Yaake hi činlo an o Debleskro lab: O Devel bičras i sopaskro dourho ap lende, kay kras len khino. Pengre yakentsa dikenn le les gar, oun pengre kandentsa shounenn le les gar. Kova hi yaake bis ap kava dives.

5. Mose 29:3

Oun bis ap kava dives das o baro Devel t'men gomme gar djia, hoy hayvenn oun yaka, hoy nay dikenn oun kanda, hoy nay shounenn.

5. Mose 29:4

40 (star-deesh) bersha djas lo glan t'mende an o moulo tato them: T'mare koola djan gar paash, oun t'mare kirrha ap t'mare pire nashan pen gar tele.

5. Mose 32:6

T'mer dinele menshe, kolen kek gosvepen hi, parkrenn t'mer t'men yaake pash t'maro baro Debleste? Hi yob gar t'maro dad, kay kras t'men? Kova, kay kras t'mendar i natsyona?