Jeremia 5:1 - O Debleskro Lab 2024 (Sinte-Manouche)

¹ Djan kol dromma an Yerusalem pral oun tele! Krenn t'mare yaka pre oun rodenn ap kol dromma o forestar! Te hatsenn yekes, kay djivell an o čačepen, oun rikrell pes ap o Debleste, palle bistrau i doosh o tselo forestar.

O Debleskro Drom 2021 (Sinte)

¹ Djan kol dromma an Jerusalem pral un tele! Krenn tumare jaka pre un rodenn ap kol dromma o forestar! Te hatsenn jekes, kai djiwell an o tchatchepen, un rikrell pes ap o Debleste, palle bistrau i doosh o tselo forestar.

Jeremia 5:1 Iomraidhean Croise

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

Debleskri gili 12:1

I gili o Davidestar te givess lat pash o bashepen ap i orhta-doryengri bashepaskri.

Debleskri gili 14:2

O baro Devel dikell dran o bolepen tele ap i menshende, te dikell lo: Dell yek, kay gosevo hi oun pal leste poučella?

Debleskri gili 14:3

Halauter rissran pen lestar krik, oun djivenn i djoungelo djipen, yek har ko vavar. Kek hi koy, kay krell o lačepen, ava, kek!

Debleskri gili 94:16

Koon vell ap miri rig, te kouras men i čilačentsa? Koon vell pash mande, te djas mer khetne ap kolende, kay krenn midjak koova?

Gosewe laba 20:6

Boud menshe sharenn pen pengro lačepah. Nay hatseh čačepah i morshes o labestar?

Gosewe laba 23:23

Mouk touke o čačepen oun o gosvepen boud moldo te vell! Mouk touke hako tsiro čomone te penell, te hayvess lauter mishto.

Gosewe laba 8:3

Pash i foreskre voudya dell li gole, kote kay yek dran o foro vin djal, oun kote, kay yek an o foro dren djal:

Kamlepaskri gili 3:2

Kamau pre te stell, kamau an o foro te nashell, ap i dromma oun ap i platse kamau les te rodell, koles miro dji kamell. Me rodom les oun hatsom les gar.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jeremia 2:29

T'mer kamenn man i doosh te dell. T'mer han kolla, kay peran lauter mandar tele, penell o baro Devel.

Jeremia 44:15

I tsele morsha, kay djinan, kay lengre romya vavar deblenge soungepaskro koova rhačran, oun i tsele djouvya, kay pashel tardo his, ninna kol Hebrearya dran o them Egiptia oun dran Patros, – khetne his le boud boud menshe – kolla lauter penan ap o Yeremia:

Jeremia 8:6

Me dikau oun shounau, kay rakrenn yon gar o čačepen. Koy hi kek, kay khaytell les havo čilačepen yob kras. Kek poučella: Hoy krom me? Hakeno nashella doureder ap peskro drom, har i gray an o kourepen.

Jeremia 9:2

Lengri čip hi har i čouri. Lengro rhorhepah van le zoreles an o them. O čačepen rakrenn le gar. Yek čilačo koova pal o vavar krenn le. Man prindjrenn yon gar, penell o baro Devel.

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Ezekiel 22:30

Oun me rodom i morshes mank lende, kay krals i massouri troul o foro pale neves. Rodom yekes, kay čivas pes pre glan mande kote, kay i barra vin phagedo van, oun rakrals mishto kol menshenge, te hounte marap len gar. Oun me hatsom kekes.

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”

Daniel 12:4

Oun tou Daniel, rike kava lab khatemen. Oun pande i dori troul kava liil oun čip tiro sikepen pre, te nay krell les kek pre, bis ko tsiro vella, kay i phoub bouder gar rah koy hi. Palle rodenn boud koy dren oun hayvenn boud oun boudeder.

Joel 2:9

Yon vitsrenn pen ap o foro, djan pre ap i massurya, oun dren an i khera. Yaake har i čorepaskro venn le an i vorhya dren.

Amos 8:12

I menshe djan trouyel pash o Moulo Baro Pani, oun kotar doureder pash o Mashkralstouno Baro Pani, oun kotar doureder ap koy rig, kay norden hi, oun palle kote, kay o kham pre djal. Oun yon rodenn yekes, kay nay penell lenge o baro Debleskro lab, oun hatsenn kekes.

Zakarie 2:4

Koy poučom lestar: “Hoy kamenn le te krell?” Yob penas: “Yon van, te denn le kol shinga tele. Kal natsyone djan ap i menshende an o them Youda pre oun tradan len krik. Oun kal star van, te krenn le lenge bari daar oun lenn lenge lengri zoor krik.”

Louka 14:21

Ko boudepaskro vas pale, oun penas lauter peskro rayeske. Koy vas ko ray an i bari rholi, oun penas ap koleste: Dja ap i tsele dromma an o foro! An kol čorvelen, kol bangen, kol korelen oun kolen, kay nay nashenn gar, pash mande!

2. Tessalonikarja 2:10

Oun rhorhepah anell lo kolen ap o čilačo drom, kay djan nashedo. Kolla hi kol menshe, kay kaman gar o čačepen te shounell. Te patsans le o čačepen, nay vans le vin lino dran o čilačepen oun o merepen.