Jeremia 49:26 - O Debleskro Lab 2024 (Sinte-Manouche)

²⁶ Leskre terne morsha venn maredo ap leskre dromma. Ap ko dives nashrenn leskre tsele kourepangre pengro djipen. Kova penell o baro Devel, ko ray pral o bolepen oun i phoub.

O Debleskro Drom 2021 (Sinte)

²⁶ Leskre terne mursha wenn maredo ap leskre dromma. Ap ko diwes nashrenn leskre tsele kurepangre pengro djipen. Kowa penell o baro Dewel, ko rai pral o bolepen un i phub.

Jeremia 49:26 Iomraidhean Croise

Jeremia 50:30

Leskre terne morsha venn maredo ap leskre dromma. Ap ko dives nashrenn leskre tsele kourepangre pengro djipen, penell o baro Devel.

Jeremia 9:21

O baro Devel penell: Kol moule menshe ačenn čiddo har foul ap i harhetikri phoub, har o djob, hoy činlo vas, oun čiddo ačas pal o činepaskro, oun kek las les khetne.

Ropaskre gilja 2:21

Čave oun phoure hi čiddo an i dromma. Terne ča oun terne morsha van o rhareha maredo. Ap ko dives kay tiri rholi pral mende vas, hi tout kek dji lenge, oun maral len halauteren.

Ezekiel 27:27

Tiro bravlepen oun parepaskro koova, halauter hoy tout his, perell an o baro pani. Kol morsha, kay ap o shiffo boudrenn, oun les oulerenn, oun kolla, kay krenn, te djal kek pani dren, tire parepangre, tire lourde, tire boudepangre, kay an toute hi, halauter tassenn an o baro pani. Ap ko dives kay tou djal tele, djan le halauter khetne touha tele.

Amos 4:10

Me bičrom savo pharo nasslepen ap t'mende, har bičrom ap o them Egiptia. Me marom t'mare terne morshen an o kourepen, oun moukom t'mare grayen pandles krik te anell. O khand kol moule lourdendar ap lengri platsa moukom an t'mare naka te djal. Ninna palle van t'mer gar pale pash mande, penell o baro Devel.