Jeremia 49:23 - O Debleskro Lab 2024 (Sinte-Manouche)

²³ Laba pral o foro Damaskus. I menshe an i forya Hamat oun Arpad shounan čilačo koova. Yon lan bari daar oun djinenn gar, hoy te krenn. I traash vell pral lende har o baro pani, hoy gar tardo ačell.

O Debleskro Drom 2021 (Sinte)

²³ Laba pral o foro Damaskus. I menshe an i forja Hamat un Arpad shunan tchilatcho koowa. Jon lan bari daar un djinenn gar, hoi te krenn. I traash well pral lende har o baro pani, hoi gar tardo atchell.

Jeremia 49:23 Iomraidhean Croise

1. Mose 14:15

An i rati bičras yob peskre morshen ap douy rigya. Oun yob oun leskre morsha djan ap lende pre oun dan len, oun lan len palla bis pash ko foro Hoba, hoy ap i servi rig o forestar Damaskus čiddo hi.

1. Mose 15:2

Koy penas o Abram: “Miro ray, baro Devel, hoy kameh man te dell? Man hi kek čave. Me te merau, lell halauter, hoy man hi, o Eliyeser, ko vell dran o foro Damaskus.

2. Samuel 17:10

Palle lell hakeno daar, ninna te hi lo i kourepaskro, oun les i dji hi har i levo. O tselo Israel djinella, kay tiro dad i čačo morsh hi, oun leskre lourde čače kourepangre hi.

2. Samuel 8:9

Ko ray pral o foro Hamat – leskro lab his Toy, – his an o kourepen o rayeha Hadad-Eser. Har o Toy kanna shounas, kay maras o David koleskre tsele lourden, bičras lo peskro čaves, o Yoram, pash o baro rayeste David, oun parkras pes pash leste oun moukas les te penell, te vell les boud barht, oun anas peha roupene koola oun sonakangre koola oun save dran lolo saster.

1. Rajengro liil 11:24

Oun o Reson las kourepangren troul peste oun vas lengro pralstouno. Kova his an ko tsiro, har o David i Syrarya maras. Oun o Reson peskre lourdentsa djas an o foro Damaskus. Oun yon djivan kote, oun his i raya pral Damaskus.

2. Rajengro liil 17:24

Har i Israelitarya dran o them Samaria krik anlo van, moukas o baro ray pral o them Assour menshen dran vavar forya te vell, te djivenn le kote. Kolla van dran i forya Babilon, Kouta, Ava, Hamat oun Sefarvayim, oun djivan kanna an kol forya an o them Samaria. Oun yaake lan le kava them dren.

2. Rajengro liil 18:34

Kay hi kanna kol debla dran i forya Hamat oun Arpad? Kay hi kanna i debla dran i forya Sefarvayim, Hena oun Ava? Kay hi kanna i debla dran Samaria? Lan le Samaria vin dran miro vast?

2. Rajengro liil 19:13

Oun kay hi kanna i bare raya pral i forya Hamat, Arpad, Sefarvayim, Hena oun Ava?”

2. Rajengro liil 5:12

Kol panya an Damaskus, Abana oun Parpar, hi feteder har kol tsele panya an Israel. Me nay thovoms man ninna an kol panya oun voms sasto.” Oun yob rissras pes oun djas krik rhoyedo.

2. Familjakro liil 16:2

Kote las o Asa roup oun sonakay dran o bravlepen an o baro Debleskro kheer oun an o baro rayeskro kheer, oun bičras bičepangre koleha an o foro Damaskus, pash o baro rayeste pral o them Syria – leskro lab his Ben-Hadad – oun moukas leske te penell:

2. Mose 15:15

I bare raya an o them Edom trashan, oun kol zorele raya an o them Moab trissan. I tsele menshe an o them Kanaan daran, ava, lauteren tapras i daar.

Jesaja 10:9

Yek foro pal o vavar lom dren: Kalno oun Karkemish, Hamat oun Arpad, Samaria oun Damaskus.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 13:7

Doleske hi i menshen bouder kek zoor, te krenn le čomone, oun daar peras ap lende.

Jesaja 36:19

Kay hi kanna kol debla dran i forya Hamat oun Arpad? Kay hi kanna i debla dran Sefarvayim? Kay hi kanna i debla dran Samaria? Lan le Samaria vin dran miro vast?

Jesaja 37:13

Oun kay hi kanna i bare raya pral i forya Hamat, Arpad, Sefarvayim, Hena oun Ava?”

Jesaja 57:20

I čilače hi har i divyo baro pani, hoy rikrell pes nay gar pale, oun vell pale te pale oun hadell khandli phoub oun čik pre.

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Jeremia 39:5

I lourde dran Babilonia lan len palla, oun tapran o Sedekya an o telstouno them pash o foro Yericho, oun pandan les oun anan les pash o Neboukadnezar, ko baro ray dran o them Babilonia. Kova his an o foro Ribla an o them Hamat. Yob rakras pral leste i phagi vin.

Ezekiel 27:18

Tout his boud boud koova bikepaske. Yaake ginas ninna o foro Damaskus toutar, oun das tout koleske mool dran o foro Helbon oun parno bakrengro bal dran o them Zahar,

Amos 6:2

[T'mer penenn ap i menshende:] Djan an o foro Kalne! Oun dikenn, har ko foro hi! Oun kotar djan doureder pash o baro foro Hamat! Palle djan tele pash i Filistarya an o foro Gat! Hi le zorleder har kal themma Youda oun Israel? Hi lengro them bareder har t'maro them? Na-a!

Nahum 2:10

T'mer lourde, randenn roup, randenn sonakay! O foro hi pherdo bravlepen, pherdo kouč koova!

4. Mose 13:21

Oun yon djan koy, oun dikan, har ko them hi an o moulo tato them Tsin oun doureder pre, o tselo drom bis pash o foro Rehob pash Lebo-Hamat.

Bičepangre 27:20

Boud divessa nay dikam o kham oun i bolepangre momlia gar, yaake zorelo phourdas o baro dourho pral o baro pani, oun das zorelo brishin. Koy patsam mer, kay nashrah mer maro djipen.

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

2. Korintarja 11:32

An ko tsiro, har me an o foro Damaskus homs, his kote i moskro, koles čivas o baro ray Aretas an peskri boudi. Ko moskro čivas klisten glan ko foro pash kol bare voudya, te taprenn le man.

5. Mose 20:8

Oun i pralstoune hounte poučenn i morshendar pale: Hi mank t'mende yek, koles daar hi, oun koleskro dji trissella? Kova hounte djal pale an peskro kheer, te krell lo gar i djia peskre phralendar darenes.

Josua 14:8

Mire phrala, kay mantsa pre djan, kran i menshenge daar. Me rikrom ap o baro Debleste, kay miro Devel hi, oun patsom leske.

Josua 2:11

Oun har kova shounam, vas bari traash ap mende, oun an kekeste mendar ačas i zoor, te djal lo pre ap t'mende. O baro Devel hi t'maro Devel, oun hi o Devel pral an o bolepen oun kate tele ap i phoub.