Jeremia 49:2 - O Debleskro Lab 2024 (Sinte-Manouche)

² Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

O Debleskro Drom 2021 (Sinte)

² Doleske penell o baro Dewel: Ko tsiro well, kai mukau i kurepaskri gole te shunell: Lurde wenna pral o foro Rabba, ko baro foro fun i Ammonarja. O forestar Rabba atchell tchi pral har barra. Un kol wawar forja koi trujel wenn pre chatchedo. O Israel well o rai pral kolende, kai lan penge leskro them. Kowa penell o baro Dewel.

Jeremia 49:2 Iomraidhean Croise

2. Samuel 11:1

Oun ko bersh djas trouyel. Oun an ko tsiro, kay kol bare raya an o kourepen djan, bičras o David o Yoabes oun leskre lourden leha an o kourepen. Ninna i tsele Israelengre lourde djan lentsa. Oun yon kouran pen i Ammonentsa, kran lengro them paash oun čivan pen troul o foro Rabba. O David ačas an Yerusalem.

Debleskri gili 48:11

Yaake baro har tiro lab, maro Devel, yaake baro hi tiro raylepen ap i tseli phoub. Tiro čačo vast hi pherdo čačepen.

Debleskri gili 97:8

Tou, baro Devel, hal i ray, kay djal pal o čačepen. Kova shounenn i menshe an o foro Sion oun hi barhtelo. Oun kolla an o them Youda sanenn oun khelenn i barhtyatar.

Jesaja 11:14

Palle djan le khetne bari zoryah ap i Filistarya, kay kote djivenn, kay o kham tele djal. Oun khetne randenn le kolen vin, kay an i themma djivenn, kay o kham pre djal. I themma Edom oun Moab lenn le dren. Oun i Ammonarya hounte krenn, hoy yon penenn.

Jesaja 17:1

Kate sikrell o Devel, hoy pral o foro Damaskus vella: I tsiro vell sik, kay o foro Damaskus bouder kek foro hi. Lestar ačell či har tele phagede barra.

Jeremia 4:19

Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.

Jeremia 49:1

Laba pral i Ammonarya. Kava penell o baro Devel: Hi o Israeles kek čave? Hi les kek čave, kay nay lenn o them pengre phourendar dren? Hoske las ko devel, koles i Ammonarya an-mangenn, o Milkom, o them Gad dren? Oun hoske djivenn leskre menshe kote?

Ezekiel 21:20

te taprell i menshen bari daar, oun boud merenn. Pash hake foreskre voudya venn menshe maredo o rhareha. Djoudjo har i blendari hi ko rharo. O marepaske hi lo kerdo.

Ezekiel 21:25

Ko yek djal an o foro Rabba, kay i Ammonarya djivenn, ko vavar an o zorelo foro Yerusalem an o them Youda. Yaake sikreh tou kol dromma, ap kolende o baro ray nay vell peskre lourdentsa.

Amos 1:14

Me bičrau i yag ap i foreskre massurya o forestar Rabba, hoy rhačrell leskre zorele khera tele, ap ko dives, kay vell o kourepaskri gole dino, oun o kourepen vin phagell har i baro phourdepen.

Obadja 1:19

Oun i menshe dran o kheer Youda, kolla kay djivenn an o them, kay o kham pralstounes hi, yon lenn kol berge dren, kay i Edomarya djivenn. Oun kolla, kay djivenn kote, kay o kham tele djal, yon lenn o them dren, kay i Filistarya djivenn. Oun kol vavar lenn i themma Efrayim oun Samaria penge dren. Oun o kheer Benyamin lell o them Gilead dren.

4. Mose 10:9

Te perenn vavar menshe an t'maro them dren oun kamenn ray pral t'mende te vell, oun t'mer djan an o kourepen, te kourenn t'men lentsa, palle hounte phourdenn zoreles an i phourdepangre, te venn t'mer t'maro baro Debleske an o shero. Oun yob lell t'men vin dran lengre vasta.

4. Mose 21:25

Yaake las o Israel peske kal tsele forya, kay djivan i Amorarya, ninna o foro Heshbon oun kol tsele forya, kay koy pashel hi. Oun i Israelitarya djivan kote.

5. Mose 13:16

palle denn kol menshen an ko foro o rhareha moulo. Lauter hounte venn moulo dino, ninna lengre firhe.

5. Mose 3:11

Kokres o Og, ko baro ray pral Bashan, ačas djido kol bare menshendar, kay rise kharedo van. Har meras lo, vas lo paskedo an i barrengro morhton. Kova hi yaake star metarya baro oun douy metarya bourhlo, oun hi tardo an o foro Rabba an o them Ammon.

Josua 17:11

An kol douy themma Asser oun Issakar his forya čiddo, kolla van o Manasseske dino. Kal forya his: Bet-Shean, Yibleam oun Dor, hoy kharell ninna Nafot-Dor; palle En-Dor, Taanak oun Megiddo. Koy pashel his kol gaba, hoy his troul kal forya čiddo.

Josua 17:16

I morsha dran o kheer Yosef penan: “I berge hi gar bares doha menge. Oun kol Kanaanitarya, kay djivenn tele an o telstouno them, an o foro Bet-Shean oun an kol gaba trouyel, ninna an o telstouno them Yesreel, len hi sasterne kourepangre vourdya.”