Jeremia 49:17 - O Debleskro Lab 2024 (Sinte-Manouche)

¹⁷ Me kamau o them Edom yaake paash te krell, kay hakeneske, kay dikell kova, o rakepen krik ačella, oun yob pral kova sala, har kava themeske djas.

O Debleskro Drom 2021 (Sinte)

¹⁷ Me kamau o them Edom jaake paash te krell, kai hakeneske, kai dikell kowa, o rakepen krik atchella, un job pral kowa sala, har kau themeske djas.

Jeremia 49:17 Iomraidhean Croise

1. Rajengro liil 9:8

Oun kava kheer vell tele phagedo. Oun halauter, kay djan kote oun dikenn kova, lenge ačell o rakepen krik i trashatar, oun yon penenn: Hoske kras o baro Devel savo koova kava themeha oun kava khereha?

Jeremia 18:16

Doleske vell lengro them har i moulo them, kay le daar lenna. Oun kolenge, kay dikenn kova, ačell o rakepen krik. Oun yon denn i vasta pral o shero khetne.

Jeremia 49:13

Me, o baro Devel, dom man pash mande kokres sovel, te vell t'maro foro Bozra i foro, kolestar i menshe i trashatar pengro shero krik rissrenn. Pral koleste ladjenn le pen, yaake paash dino vell ko foro. Te kamell yek o vavares te praasell, penell lo: Mou djal touke har o foreske Bozra! Ninna i tsele vavar foryendar an o them Edom ačell či pral har barra hako tsireske!

Jeremia 50:13

Miri rholi vell yaake pral o foro Babilon, te djivell nay kote kek mensho bouder. Či har barra ačell lestar pral. Hakeneske, kay dikell kova, ačell o rakepen krik. Yob trissell peskro shero pral i tseli bibarht hoy kava foro tapras.

Jeremia 51:37

Či te ačell o forestar Babilon har barra, oun divye djoukle djivenn kote. Kolenge, kay dikenn ko foro, ačell o rakepen krik i trashatar. O foro vell lenge sapaske. Oun kek mensho djivell bouder kote.

Ezekiel 25:13

Doleske penau me, o baro Devel, t'maro ray: Me hadau miro vast, te dap o them Edom peskri phagi. Menshe oun firhe venn moulo dino. Kek ačell djido an o tselo them mank kol forya Teman oun Dedan. I tsele menshe merenn an o kourepen.

Ezekiel 27:36

I parepangre dran vavar themma nay patsenn gar, hoy touha djas, kay tou yaake sik tele djal oun bouder gar koy hal.

Ezekiel 35:15

Tou hals barhtelo, har vas o Israelengro them i moulo them. Doleske krau, te djal touke yaake har lenge djas. I berga Seir khetne o tselo them Edom vell i moulo them. Palle dikenn oun hayvenn i menshe, te hom me o baro Devel.

Ezekiel 35:3

Pen leske: Kava penell o baro Devel, maro ray: Kanna sikrau les touke, tou berga Seir. Oun djau zoryah ap toute pre, oun krau toutar te vess i moulo oun mouklo them.

Ezekiel 35:7

Oun me krau i berga Seir, te vell li i moulo oun mouklo them. Oun moukau kekes djido, kay kote dren oder vin djal.

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Zefanja 2:15

Yaake djala ko foreske, hoy hi yaake pre-phourdo, oun koleskre menshe patsenn, te djal lenge kek čilačepen, oun an pengro dji penenn: “Dell kek foro har maro foro!” Har mouklo vell ko foro! Divye firhe djivenna koy! Hakeno, kay nashell koy trouyel, sal pral leste, oun dell peskre vasta pral o shero khetne.

5. Mose 29:22

Yon dikenn: O them hi rhačedo, i phoub pherdo loon oun shvefla. Lauter dikell vin har i forya Sodom oun Gomorra, Adma oun Seboyim, har o baro Debleskri bari rholi ap lende vas oun yon rhačedo van. Kek nay vitsrell djob an i phoub. Či vell bares. Kek zenlepen djal pre.