Jeremia 49:11 - O Debleskro Lab 2024 (Sinte-Manouche)

¹¹ “Te hal bouder gar koy, dau me tire čaven, hoy len hounte vell, djipaske. Oun kol djouvya, kolengro rom meras, yon nay djinenn: Me vau lenge ap i rig.”

O Debleskro Drom 2021 (Sinte)

¹¹ “Te hal buder gar koi, dau me tire tchawen, hoi len hunte well, djipaske. Un kol djuwja, kolengro rom meras, jon nai djinenn: Me wau lenge ap i rig.”

Jeremia 49:11 Iomraidhean Croise

Debleskri gili 146:9

O baro Devel dell ap i vi-themarya yak, oun hi ap i rig kol čavendar, kolen kek dad bouder hi, oun ap i rig kol djouvyendar, kolengro rom meras. I čilačenge čivell lo barra an lengro drom.

Debleskri gili 68:5

Givenn o Debleske! Bashrenn oun hadenn leskro lab! Krenn leske i drom, koleske, kay oulerell ap o bolepen. Baro Devel hi leskro lab. Avenn barhtelo oun givenn glan leste!

Debleskri gili 82:3

Dikenn, te lenn i čorvele pengro čačepen, ninna kolla, kolen kek dad bouder hi! Avenn ap i rig kolendar, kolen či hi oun gar an-diklo hi, oun dikenn, te lenn le pengro čačepen!

Hosea 14:3

Lenn kal laba t'mentsa, oun avenn pale pash o baro Debleste, oun penenn leske: Le mari tseli doosh mendar krik, oun shoun maro mangepen! Palle kamah tout te sharell mare čipyentsa.

Jona 4:11

Oun man te khaytenn gar kol tsele menshe an o foro Ninive? Kate djivenn boudeder har 120.000 (sheel-te-biish-zerya) menshe, kay gar djinenna, hoy lačo oun čilačo hi, oun koy pashel boud firhe!”

Zakarie 7:10

Ma krenn čilačepen kol romyenge, kolengro rom meras, oun kol čavenge, kolen kek dad bouder hi, vitar gar kolenge, kay vi-themarya hi oun kol čorvelenge! Ma lenn t'menge glan an t'mare djia, te doukrenn t'maro phrales!”

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

5. Mose 10:18

Yob dikell koy pre, te lenn pengro čačepen kol čave, kolen kek dad bouder hi, ninna kol djouvya, kolengro rom meras. Oun i vi-themaryen kamell yob o djiyeha oun dell len rhapen oun koola an-ripaske.

1. Timoteo 5:5

I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.