Jeremia 49:10 - O Debleskro Lab 2024 (Sinte-Manouche)

¹⁰ Me dom o kheer Esau an lengre vasta, oun čakrom lengro khatepen pre, te nay khatrenn le pen gar. Lengre čave, lengre phrala oun kol menshe, kay djivan lentsa khetne, venn maredo. Oun kek lendar hi koy, kay nay penell:

O Debleskro Drom 2021 (Sinte)

¹⁰ Me dom o kheer Esau an lengre wasta, un tchakrom lengro khatepen pre, te nai khatrenn le pen gar. Lengre tchawe, lengre phrala un kol menshe, kai djiwan lentsa khetne, wenn maredo. Un kek lendar hi koi, kai nai penell:

Jeremia 49:10 Iomraidhean Croise

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

Jesaja 17:14

Ap i rati krenn le i menshen bari traash. Oun glan o nevo dives vella, hi le gar bouder koy. Yaake djal kolenge, kay kamenn men vin te randell. oun kamenn menge kova te čorell, hoy menge hi.

Jesaja 45:3

Me dau tout bravlepen, hoy khatedo his, oun kouč koova, hoy mishto čakedo his. Te hayvess tou, te hom me o baro Devel, ko Devel pral o Israel, oun dom tout gole pash tiro lab.

Jeremia 13:26

Kova vell yaake har te hadaus me tiro ripen pral tiro shero, te dikell hakeno, kay nango hal.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Ropaskre gilja 4:22

T'mer an o foro Sion, palle hi t'mari doosh t'mendar krik lino! O baro Devel moukell t'men bouder gar pandles krik te anell. Palle anell yob t'mari doosh, t'mer Edomarya, ap t'mare sherya pale, oun čakrell ko čilačo koova pre, hoy kran.

Amos 9:3

Ninna te khatrenn le pen pral ap i berga Karmel, rodau me len oun lau len tele. Ninna te khatrenn le pen mandar tele an o baro pani, yaake penau o panyeskro sap, te dandrell lo len.

Obadja 1:6

An tiro tselo them rodenn le trouyel, oun hatsenn tiro tselo khatedo kouč koova!

Obadja 1:9

Oun i zorele kourepangre an o foro Teman lenn bari daar. Doleske vell hakeno ap i berge Esau maredo.

Remarja 9:13

Yaake hi kova an o Debleskro lab činlo: Me kamom o Yakobes. O Esaes kamom gar.