Jeremia 49:1 - O Debleskro Lab 2024 (Sinte-Manouche)

¹ Laba pral i Ammonarya. Kava penell o baro Devel: Hi o Israeles kek čave? Hi les kek čave, kay nay lenn o them pengre phourendar dren? Hoske las ko devel, koles i Ammonarya an-mangenn, o Milkom, o them Gad dren? Oun hoske djivenn leskre menshe kote?

O Debleskro Drom 2021 (Sinte)

¹ Laba pral i Ammonarja. Kawa penell o baro Dewel: Hi o Israeles kek tchawe? Hi les kek tchawe, kai nai lenn o them pengre phurendar dren? Hoske las ko dewel, koles i Ammonarja an-mangenn, o Milkom, o them Gad dren? Un hoske djiwenn leskre menshe kote?

Jeremia 49:1 Iomraidhean Croise

1. Mose 19:38

Oun i terneder čay anas ninna i čaves ap i phoub. Koles das yoy ko lab Ben-Ammi. Kolestar venna kol menshe, kay hi kava dives i Ammonarya.

2. Rajengro liil 24:2

Oun o baro Devel moukas boud lourden pral leste te vell, kay trouyel djan oun randan an o them Youda. Kolla van dran i themma Babilonia, Syria, Moab, oun Ammon, oun kran o them paash. Kova vas yaake, har o baro Devel rakras ap peskre rakepangre, kay leske koy his, oun har yon kova i menshenge doureder penan.

2. Familjakro liil 20:1

Pal i tsiro van i Moabarya oun i Ammonarya, te kourenn le pen o Yosafateha. Oun lentsa van ninna lourde dran o them Meun.

2. Familjakro liil 20:23

I Ammonarya oun i Moabarya kouran pen kolentsa dran i berge Seir, oun dan len khetne. Oun har yon halauteren maran dran i berge Seir, djas yek ap o vavareste, oun yon dan pen kokres khetne.

Nehemia 2:19

Kote his ninna morsha, kay praasan men oun san pral mende, har shounan le kova. Yon his o Sanballat, ko Horonari, oun leskro boudepaskro, o Tobiya, ko Ammonari, oun o Geshem, ko Arabari. Kolla penan: “Hoy hi kova, hoy kote krenn? Kamenn t'mer o baro rayestar tele te perell?”

Nehemia 4:7

Doleske čivom me i morshen kote pash i massouri pre, kay i barra gomme vin phagedo his. Oun me čivom len yaake pre, te hi hako kopo kolla dran yek bari familya khetne tardo. Oun len his pengre rhare oun vitsepangre čourya oun boge pash pende.

Debleskri gili 83:7

Kolla hi i menshe dran o Edom oun dran o Ismael, dran o Moab, dran i Hagar,

Debleskri gili 9:6

Tou dal trad kol menshen an vavar themma, oun maral kolen, kay kaman toutar či te djinell. Lengre laba hi bistedo kanna oun hako tsireske.

Jeremia 12:14

O baro Devel penella: Kol čilače menshe, kay djivenn troul mire menshende, oun tapran lengro them an, hoy dom mire menshende Israel, te vell ko them lengro hako tsireske, kolen lauter tradau dran lengro them vin. Oun o kheer Youda lau dran lengre vasta vin.

Jeremia 25:21

i tsele menshe an i themma Edom, Moab oun Ammon;

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.

Jeremia 27:3

Man hi i lab kol bare rayenge pral i themma Edom, Moab, Ammon, Tirus oun Sidon. Lengre bičepangre hi an Yerusalem pash o baro rayeste Sedekya. Mouk lenge te penell,

Jeremia 48:1

Laba pral o them Moab. Kova penell o baro Devel, ko ray pral o bolepen oun i phoub, kay o Israeleskro Devel hi: Djungeles djal kol menshenge an o foro Nebo. Khetne dino vell lengro foro. Ladj vell pral o foro Kiryatayim. Dren lino vell lo. I massouri troul o foro vell tele dino oun khetne phagedo.

Jeremia 49:23

Laba pral o foro Damaskus. I menshe an i forya Hamat oun Arpad shounan čilačo koova. Yon lan bari daar oun djinenn gar, hoy te krenn. I traash vell pral lende har o baro pani, hoy gar tardo ačell.

Jeremia 49:28

Laba pral i menshende an Kedar oun pral o them Hazor, hoy o Neboukadnezar, ko ray pral o them Babilonia, peskre lourdentsa dren las. Kava penell o baro Devel ap i Babilonarya: Djan an o kourepen i menshentsa an Kedar! Oun marenn kolen, kay djivenn kote, kay o kham pre djal!

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Ezekiel 21:25

Ko yek djal an o foro Rabba, kay i Ammonarya djivenn, ko vavar an o zorelo foro Yerusalem an o them Youda. Yaake sikreh tou kol dromma, ap kolende o baro ray nay vell peskre lourdentsa.

Ezekiel 25:1

Oun o baro Devel penas ap mande:

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

5. Mose 2:19

Oun tou veh pash o them, kay i Ammonarya djivenn, kol menshe, kay venna pal o Lot. Kolenge kress kek čilačepen! Oun mouk tout ap kek čingepen lentsa dren. Me dau tout kek kotar lengro themestar, hoy dom lende.”

5. Mose 23:3

Kek morsh, koleskri day gar romedini hi, nay vell kote t'mentsa khetne, kay o baro Debleskre menshe khetne venna. Ninna leskre čave nay venn gar kote, yaake rah har deesh familye yek pal i vavar djivenna.

5. Mose 23:4

Kek Ammonari oun kek Moabari vell kote t'mentsa khetne, kay o baro Debleskre menshe khetne venn, yaake rah har deesh familye yek pal i vavar djivenna. An kek tsiro nay venn le kote.