Jeremia 48:45 - O Debleskro Lab 2024 (Sinte-Manouche)

⁴⁵ Khine naashepangre dran vavar forya venn pash o foro Heshbon, te ačenn le koy. Koy vell i yag vin dran Heshbon, oun i bari yagakri čip djal dran o kheer o baro rayestar Sihon vin, oun rhačrell o them, kay kol bare mouyengre djivan, foun vin bis mashkral dren ap i berge.

O Debleskro Drom 2021 (Sinte)

⁴⁵ Khine naashepangre dran wawar forja wenn pash o foro Heshbon, te atchenn le koi. Koi well i jag win dran Heshbon, un i bari jagakri tchip djal dran o kheer o baro rajestar Sihon win, un chatchrell o them, kai kol bare mujengre djiwan, fun win bis mashkral dren ap i berge.

Jeremia 48:45 Iomraidhean Croise

Debleskri gili 135:11

O Sihon, ko baro ray pral i Amorarya, oun o Og, ko baro ray pral Bashan, oun i tsele bare raya an o them Kanaan.

Debleskri gili 78:63

I terne morshen rhas i yag. Oun i terne ča nay hatsan bouder kek romes.

Jeremia 2:16

Ninna činenn kol menshe dran Memfis oun Tapanes touke i tsele balla tiro sherestar tele.

Jeremia 48:2

I Moabarya nay phourdenn pen bouder gar pre pral lengro foro Heshbon. Vavar menshe kamenn o foreske čilačepen te krell, oun penenn: Avenn, kras ko foro paash, te djivenn bouder kek menshe an leste! Oun tou, foro Madmen ačeh vitar gar. I lourde venn pral toute.

Amos 2:2

Me bičrau i yag an o them Moab, oun rhačrau kol zorele khera tele an o foro Keryot. I menshe an o them Moab merenna an o divyo kourepen pash i gole, hoy i lourde oun i phourdepangre denna.

Zakarie 10:4

Dran lende kokres venna kolla, kay pral lende penepaske hi, lengre raya oun pralstoune. Yon hi har kol barra, kay rikrenn o kheer, oun har i saster, hoy rikrell i plarhteno kheer oun har boge o kourepaske.

4. Mose 21:21

Oun o Israel bičras morshen pash o baro rayeste pral i Amorarya, – kova kharas Sihon, – oun moukas leske te penell:

4. Mose 21:26

Heshbon hi ko baro foro, kay djivas o Sihon, ko baro ray pral i Amorarya. Kova kouras pes glan i tsiro o baro rayeha pral i Moabarya, oun las leske leskro tselo them krik, bis pash o pani Arnon.

4. Mose 21:28

I yag vas dran o foro Heshbon, dran o Sihoneskro foro vas i yag. Koya rhas o foro Ar an o them Moab, oun kol berge pash o pani Arnon rhas li pre.

4. Mose 21:29

Djungelo touke Moab! T'mer menshe ko deblestar Kemosh han nashedo. Tire čave van dino oun nashan, oun tire ča van pandlo anlo pash o Sihon, ko baro ray pral i Amorarya.

4. Mose 24:17

Me dikau yekes. Kova hi kanna gar koy. Doural dikau les. Dran o Yakob vell yek, kay djal pre har i bolepaskri momeli. Dran o Israel vell i baro ray, oun dell i Moabarya khetne. Oun kol morshenge, kay venna pal o Set, dell lo ap o shero.

Mateo 21:42

Penas o Yezous ap lende: “Djinenn t'mer gar, hoy an o Debleskro lab činlo hi? Kote hi činlo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. O Devel kras kova, oun kova hi i baro koova menge.