Jeremia 48:20 - O Debleskro Lab 2024 (Sinte-Manouche)

²⁰ Ah, o them Moab hi paash dino oun khetne stakedo! Rovenn oun denn golya! Penenn i menshenge pash o pani Arnon, te vas o them Moab khetne phagedo!

O Debleskro Drom 2021 (Sinte)

²⁰ Ach, o them Moab hi paash dino un khetne stakedo! Rowenn un denn golja! Penenn i menshenge pash o pani Arnon, te was o them Moab khetne phagedo!

Jeremia 48:20 Iomraidhean Croise

Jesaja 15:8

Troul o tselo them Moab trouyel vell ko ropen shounlo, oun djal bis Eglayim oun Beer-Elim.

Jesaja 16:2

I bičepangre te penenn leske: “I djouvya an Moab hi har čirkle, kay krik tradedo van dran lengro kheer. Pash o lengsto pani Arnon nashenn le kate te kote.

5. Mose 2:36

Maro baro Devel das i tsele forya an mare vasta: ko foro Aroer, hoy pash o lengsto pani Arnon čiddo hi, oun ko foro hoy tella an o panyeskri tala čiddo hi, oun i tsele forya bis pash o them Gilead. Kek foro his koy, hoy zorleder his har mer.

Josua 13:9

Ko tselo pralstouno them mank i forya Medeba oun Dibon; oun i tsele forya, pral kolende o Sihon o ray his, foun o foro Aroer, hoy pash ko pani Arnon čiddo hi, oun ko foro mashkral an i tala, bis kote kay o them Ammon hi. O Sihon his o baro ray pral i Amorarya oun djivas an o foro Heshbon;

Čačepangre 11:18

Palle djan le an o moulo them, oun troul o them Edom oun o them Moab trouyel. Oun van pash o them Moab koy rigyatar, kay o kham pre djala. Oun yon čivan pengre plarhtene khera pre ap i vavar rig o panyestar Arnon. Yaake van le gar an o Moabengro them. O pani Arnon nashell mank Moab oun o moulo them.