Jeremia 47:4 - O Debleskro Lab 2024 (Sinte-Manouche)

⁴ Ko dives vas, kay nashrenn i tsele Filistarya pengro djipen. Kek ačell djido, kay nay vals kol foryenge Tirus oun Sidon ap i rig. O baro Devel marell kol Filistaryen, kolla kay ačan kolendar pral, kay van dran ko panyeskro them Kreta.

O Debleskro Drom 2021 (Sinte)

⁴ Ko diwes was, kai nashrenn i tsele Filistarja pengro djipen. Kek atchell djido, kai nai wals kol forjenge Tirus un Sidon ap i rig. O baro Dewel marell kol Filistarjen, kolla kai atchan kolendar pral, kai wan dran ko panjeskro them Kreta.

Jeremia 47:4 Iomraidhean Croise

1. Mose 10:15

O Kanaan: Leskre čave hi o Sidon oun o Het. O Sidon hi o phoureder čavo.

1. Familjakro liil 1:12

ninna i Patrusarya, oun i Kaslouharya oun i Kaftorarya; kolendar van i Filistarya.

Hiob 9:13

O Devel rikrell peskri rholi gar pale, oun vas zorleder har kolla, kay van o baro panyeskro sapeske Rahab ap i rig.

Debleskri gili 37:13

O baro Devel sal pral leste, yob dikell leskro dives te vell.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 14:31

Denn zoreles gole, t'mer, kay han tardo pash o foreskre voudya! Rovenn bari golyah, t'mer, kay djivenn an o foro! Trissenn i daryatar an o tselo them Filistia! Foun kotar, kay norden hi, vell yagakro dourho oun boud boud lourde, oun kek kolendar ačell pale.

Jesaja 20:6

Palle penenn kolla, kay pash o baro pani djivenn: Hi kolla kal menshe, pash kolende nasham, te lenn le men vin dran i vasta o baro rayestar pral Assour? Koon nay lell men kanna gomme koy vin?

Jesaja 31:8

I Assirya venn dino o rhareha. Kek rharo, hoy i mensho hadell, marell len. Na-a, o Debleskro rharo dell len moulo. Oun yon nashenn penge glan ko rharo, oun lengre terne morsha venn tapedo oun venn pandle boudepangre.

Jeremia 46:10

Kava hi o dives o baro Deblestar, kay hi o ray pral o bolepen oun i phoub. Ap ko dives dell lo kolen, kay kamenn les gar, kova pale, hoy yon ap leskre menshende kran. Leskro rharo rhal len, bis te hi lo čalo, oun vell mato lengro rateha. Yon hi har firhe, kay maredo venn o baro Debleske, kova, kay hi o ray pral o bolepen oun i phoub. Yob moukell len moulo te dell pash o pani Eufrat an o them, hoy kote čiddo hi, kay norden hi.

Ezekiel 21:25

Ko yek djal an o foro Rabba, kay i Ammonarya djivenn, ko vavar an o zorelo foro Yerusalem an o them Youda. Yaake sikreh tou kol dromma, ap kolende o baro ray nay vell peskre lourdentsa.

Ezekiel 21:29

Doleske penell o baro Devel, maro ray: T'mari doosh vas diklo. T'mare čilače dromma van pre-čakedo. An halauter, hoy krenna, vell t'maro čilačepen diklo. T'mer kran, te vell t'mari doosh gar bistedo. Doleske venn tapedo i zorelo vasteha.

Ezekiel 25:16

Doleske penau me, o baro Devel, t'maro ray: Me hadau miro vast, te dap i Filistaryen i phagi. I tsele menshen, kay an lengro them djivenn, marau me, kol Kretaryen oun ninna i vavaren, kay djivenn pash o baro pani.

Ezekiel 30:8

An ko tsiro, kay čivau yag an o them Egiptia, oun hakeno moulo hi, kay lenge ap i rig vas, palle dikenn oun hayvenn yon, te hom me o baro Devel.

Ezekiel 7:12

Ko tsiro vas, ko dives hi koy! O ginepaskro nay sal gar bouder. Oun kova, kay hounte bikrell čomone, hounte rovell gar koy pral. O baro Debleskri rholi vell pral kal tsele menshende.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Amos 9:7

O baro Devel penell: T'mer Israelitarya han mange yaake har i menshe an o them Etiopia. T'men lom dran o them Egiptia vin, i Filistaryen lom dran o them Kreta vin, oun i Syrarya dran o them Kir. Hoy hi vavarčandes t'mentsa?

Louka 21:22

An kol divessa vell o Debleskri rholi ap i menshende tele. Palle vell lauter čačo, hoy an o Debleskro lab činlo hi.

5. Mose 2:23

Oun an i gaba pash o Mashkralstouno Baro Pani djivan menshe, kay his kharedo Avarya. Pral lende van Filistarya dran Kreta, oun dan len moulo, oun lan lengro them bis pash o foro Gaza. Oun djivan palle kote.

Josua 22:30

O rashay Pinhas oun kol deesh pralstoune, kay pash leste his, kolla, kay i pralstoune pral i deesh bare khera hi, shounan, hoy i morsha dran i khera Ruben oun Gad oun Manasse ap lende penan. Oun kova his lačes an lengre yaka.