Jeremia 47:1 - O Debleskro Lab 2024 (Sinte-Manouche)

¹ Glan ko tsiro, kay o Farao ko foro Gaza khetne das, rakras o baro Devel ap peskro rakepaskro, o Yeremia, pral i Filistarende.

O Debleskro Drom 2021 (Sinte)

¹ Glan ko tsiro, kai o Farao ko foro Gaza khetne das, rakras o baro Dewel ap peskro rakepaskro, o Jeremia, pral i Filistarende.

Jeremia 47:1 Iomraidhean Croise

1. Mose 10:19

Lengro tselo them djas pral pash o foro Sidon oun tele pash o foro Gaza. Oun ap koy rig, kay o kham pre-djala, djas lo pash o foro Gerar oun doureder pash kol forya Sodom, Gomorra, Adma, oun Seboyim pash o foro Lesha.

Jesaja 14:29

T'mer menshe an o them Filistia, ma avenn barhtelo, te vas o kasht, koleha dino van, kanna phagedo. Te merell i sap, vell i djoungleder sap pal leste. Oun lestar vell i vavar sap, hoy hi gomme djoungleder oun nay hadell pes har i čirklo.

Jeremia 25:20

oun vi-themarya an o them Egiptia; i tsele bare raya an o them Ous; i tsele raya an kol Filistarengre forya Ashkelon, Gaza, Ekron oun kolla, kay pral ačan an Ashdod;

Ezekiel 25:15

Kava penell o baro Devel, maro ray: An i tsele tsirya his i Filistarya ap čingepen oun kourepen mire menshentsa vin. Baro čilačepah djan le ap lende pre, oun kaman len te marell.

Ezekiel 25:16

Doleske penau me, o baro Devel, t'maro ray: Me hadau miro vast, te dap i Filistaryen i phagi. I tsele menshen, kay an lengro them djivenn, marau me, kol Kretaryen oun ninna i vavaren, kay djivenn pash o baro pani.

Joel 3:4

Glan te vell o dives o baro Deblestar, ko baro dives, hoy daar oun traash anell, vell o kham kalo, oun o čon lolo har rat.