Jeremia 46:7 - O Debleskro Lab 2024 (Sinte-Manouche)

⁷ Koon hi kova, kay hadas pes, har ko pani, hoy kharell Nil, oun hoy nashell pral peskre rigya, oun čakrell lauter tel peste?

O Debleskro Drom 2021 (Sinte)

⁷ Koon hi kowa, kai hadas pes, har ko pani, hoi kharell Nil, un hoi nashell pral peskre rigja, un tchakrell lauter tel peste?

Jeremia 46:7 Iomraidhean Croise

Kamlepaskri gili 3:6

Koon hi kolla, kay venn pre dran o moulo tato them, har i yagakro dourho, hoy pre djal, te vell soungepaskro koova rhačedo? Lačo khand vell pash mende, dran ko soungepaskro koova, hoy i parepangre anenn.

Kamlepaskri gili 8:5

Koon hi koya, kay vell pre dran o moulo tato them, moussi an moussi peskri pirneha? Tel o phabyengro rouk djangrom tout, kote, kay tiri day touha vavarčandes vas, oun tou boldo val.

Jesaja 63:1

Koon hi kova, kay vell dran o them Edom dran o foro Bozra, rido an lole koola? Koon hi kova, kay hi yaake rayles rido, oun kay nashell rayles an peskri bari zoor. Kova hom me, o baro Devel, kay rakrell an o čačepen: Man hi i zoor, te lap t'men dran o merepen vin.

Jeremia 47:2

Kava penell o baro Devel: Dik, panya venna koy rigyatar, kay norden hi. Oun kolla venna i divyo zorelo lengsto pani, hoy čakrell kava tselo them tel peste, oun halauter hoy koy dren hi, i forya oun kol menshen, kay kote djivenna. Oun i menshe an kava them denn gole oun rovenna.

Ezekiel 32:2

Tou, mensho, gib i ropaskri gili pral o Farao, ko baro rayeste o themestar Egiptia, oun pen leske: Tou patseh, te hal har i terno levo, o bareder ray mank i tsele rayende, oun hal har i baro čilačo firho an o baro pani. An kol lengste panya, kay djiveh, phourdal dourho dran tiro nak, te das o pani pre karye. Oun tire heryentsa stakral yaake, te vas i čik dran o pani pre oun o pani čiklo.

Daniel 11:10

Oun leskre čave djan an o kourepen, oun anenn boud boud lourden khetne. Oun yek lendar vell har i zorelo pani pral o them, oun djal kava kopo glan bis pash o zorelo foro o vavar baro rayestar.

Daniel 11:22

Oun kol lourde, kay har bare panya ap leste djan, thovell lo pestar tele, har te vans le či. Oun ninna marell lo i rayes, kay hi o pralstouno pral o Debleskre menshende.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Amos 8:8

Doleske krau, te trissell i phoub, oun hakeno an o them trashell. O tselo them hadell pes oun djal pale tele har o lengsto pani Nil an o them Egiptia.

Debleskro tsiro 12:15

Oun ko sap kras peskro mouy pre, oun čoungras boud zorelo pani pal koy djouvyate vin, te tassell li an ko pani.