Jeremia 46:5 - O Debleskro Lab 2024 (Sinte-Manouche)

⁵ Hoy dikau me kote? poučell o baro Devel. Len hi traash, kol lourde, oun tserdenn pen pale! Ninna i zorele kourepangre venn dino. Hakeno nashell yaake sik har djala, oun dikell bouder gar pal peste!

O Debleskro Drom 2021 (Sinte)

⁵ Hoi dikau me kote? putchell o baro Dewel. Len hi traash, kol lurde, un tserdenn pen pale! Ninna i sorele kurepangre wenn dino. Hakeno nashell jaake sik har djala, un dikell buder gar pal peste!

Jeremia 46:5 Iomraidhean Croise

1. Mose 19:17

Har yon glan o foro his, penas ko yek bolepaskro ap o Lot: “Naash, te ačess tou djido! Ma dik pal toute! Ma ač tardo kate an kava them pash o pani Yordan! Naash ap kol berge, te vess tou gar maredo!”

Jesaja 13:8

Oun yon perenn an pende khetne, tserdenn pen khetne i doukatar har i djouvel, te lell li i ternepen. Yek dikell darenes ap o vavareste, oun lengre mouya hi lolo har yag.

Jesaja 19:16

Ap ko dives darenn i Egiptarya har djouvya; yon trissenn i trashatar glan o baro Debleste, ko rayeste pral o bolepen oun i phoub, ap ko dives, kay hadell lo peskro vast, te dell lo len.

Jesaja 42:17

Kolla, kay rikrenn pen ap i rhorhene debla, oun penenn ap kolende, hoy i menshengre vastentsa kerdo van: T'mer han mare debla, kolla venn pale-čiddo oun hounte ladjenn pen.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 46:15

Hoy dikau me kote? Tire zorele perenn ap i phoub, oun nay ačenn gar tardo. O baro Devel das len tele.

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

Jeremia 49:29

Palle čorenn le lenge lengre plarhtene khera oun lengre firhe, ninna lengre plarhte, oun lengro tselo koova oun lengre khamele. Oun pral lende vell kharedo: Traash troul lende!

Jeremia 49:5

O baro Devel, ko ray pral o bolepen oun i phoub penell: Me anau bari traash pral t'mende. I menshe dran i themma troul t'mende, kolla perenn pral t'mende, oun t'mer venn vin tradedo ap hake rigya. Oun kek lell t'men pale khetne.

Jeremia 6:25

Ma djan ap t'maro kotar them, kharell yek ap o vavareste! Ma nashenn ap i drom! I lourde venna haki rigyatar oun marenn hakenes pengre rharentsa.

Ezekiel 32:10

Ap ko tsiro, kay vell miri phagi ap toute, ačenn lenge i balla tardo. Oun lengre raya trissenn i daryatar, te dikenn le, hoy touha krau. Te hadau miro rharo glan lende, trissenn le o tselo tsiro. Hakeno darell peskro djipaske.

Ezekiel 39:18

Rhan o mass i zorele lourdendar, oun piyenn o rat i pralstunendar ap kay phoub! Yon venn maredo, har te vans le thoulle firhe, kay o Debleske maredo venn, har morshkane bakre, tikne bakre, bouzya oun gourma, kay halauter dran o them Bashan hi.

Nahum 2:8

Koy rani vell pandles krik anlo. Lakre djouvyengre boudepangre rovenn har i taube, oun denn penge ap pengro beč.

Nahum 2:9

Halauter nashenn dran o foro Ninive har pani, hoy dre-pandlo his, vin nashell, te vell o voudar pre kerdo. Ačenn tardo! Ačenn tardo! denn le gole pal lende. Kek rissrell pes!

Zefanja 1:14

O baro dives o baro Deblestar hi gar dour, sik vell lo oun hi glan o voudar tardo. Kova hi sau čilačo dives! Shounenn, har ninna i zorele bari gole denna!