Jeremia 46:21 - O Debleskro Lab 2024 (Sinte-Manouche)

²¹ Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

O Debleskro Drom 2021 (Sinte)

²¹ Ninna i lurde, kai plaissedo wenna an kau them, hi har terne thulle grumja. Jon nashenn penge un kurenn pen gar ap ko tchilatcho diwes, kai well i bibacht pral lende, un jon pengri phagi lenna.

Jeremia 46:21 Iomraidhean Croise

2. Samuel 10:6

Har kol Ammonarya dikan, kay kran le o Davides moulo rhoyedo, ginan le lourden dran vavar themma: 20.000 (biish-zerya) Syrarya dran o foro Bet-Rehob oun dran o foro Soba, 1.000 (yek zero) lourde o baro rayestar pral o them Maaka, 12.000 (deesh-te-douy-zerya) lourde dran o them Tob.

2. Rajengro liil 7:6

O baro Devel kras, te shounenn kol Syrarya i bari gole, har te venn boud lourde grayentsa oun kourepangre vourdyentsa. Oun yon rakran yek ap o vavareste: “Shounenn, ko baro ray pral Israel čivas pes khetne kol bare rayentsa pral kol Hetarya oun pral kol Egiptarya, te perenn le khetne pral mende.”

Debleskri gili 37:13

O baro Devel sal pral leste, yob dikell leskro dives te vell.

Gosewe laba 15:17

Hi feteder te hi tout sharha te rhal tire malentsa, har lačo groumyengro mass kolentsa, kay hi rholi an lende.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 34:7

Ninna divye gourma merenn lentsa, terne gourma khetne kol zorele phourentsa. Oun lengro them vell pherdo rat, oun thulepen čakrell lengri phoub.

Jeremia 18:17

Me moukau vavar menshen pral mire menshende te vell, kay tradenn len krik har i zorelo dourho, kay vell kotar, kay o kham pre djala. Me kamau lenge o doumo te sikrell, oun vau gar ap lengri rig ap ko dives, kay vell i bibarht pral lende.

Jeremia 46:22

Pokones har i sap, čorenn le pen krik. Kolla, kay kamenn o them penge dren te lell, venn boud lourdentsa, oun anenn pengre tover pral lende har kol veshengre boudepangre,

Jeremia 46:5

Hoy dikau me kote? poučell o baro Devel. Len hi traash, kol lourde, oun tserdenn pen pale! Ninna i zorele kourepangre venn dino. Hakeno nashell yaake sik har djala, oun dikell bouder gar pal peste!

Jeremia 46:9

Mishto, beshenn t'men ap i graya, oulerenn o kourepangre vourdyentsa! Bičrenn t'mare zorele kourepangren vin, kolen dran i themma Etiopia oun Libia, kolen, kay shilte hidjrenna, oun kolen dran Loud, kay bogentsa karye denna!

Jeremia 48:44

Kova kay nashell peske glan koy bari traash, kova perell an i rheb dren, oun kova kay nay stakrell dran i rheb vin, kova vell i doryentsa pandlo. Ava, ko bersh vella, kay dau i menshenge an o them Moab pengri phagi. Kova penell o baro Devel.

Jeremia 49:8

T'mer menshe an o foro Dedan! Nashenn t'menge sik, khatrenn t'men tele an i phoub! Me anau i bibarht pral kolende, kay venn pal o Esau, Kanna dau len pengri phagi.

Jeremia 50:11

Ninna te han barhtelo oun sharenn t'men, kay randan miro them vin, oun stenn har o terne groumya an o zenlepen, oun denn gole har i zorele graya,

Jeremia 50:27

Marenn i tsele terne morshen, denn len tele čourye har terne gourma! Har djoungeles djal lenge! Lengro dives vas, ko tsiro, kay lenn le pengri phagi!

Ezekiel 30:22

Oun pale penas o baro Devel, maro ray: Miri rholi vell ap o Farao, ko rayeste pral o them Egiptia. Me phagau leskre moussya, koy sasti moussi oun koy phagedi, oun krau, te hounte moukell lo o rharo te perell.

Ezekiel 35:5

O tselo tsiro hals ap čingepen oun marepen vin kol Israelentsa. Oun tou phoukral len oun dal len an i vasta kolendar, kay maran len, an ko tsiro har bari bibarht pral lende vas, oun me lenge lengri phagi dom.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Amos 6:4

Har djoungeles djal t'menge, kay han kanna čiddo ap čibya shoukar kerde i dandentsa foun i elefante, oun moukenn t'menge koy lačes te djal. T'mer denn t'men o per pherdo o masseha i tikne bakrendar oun terne thoulle groumyendar,

Obadja 1:13

Ma dja dren an i voudya lengro forestar an ko tsiro, kay mire menshenge o ropaske hi! Ma dik tele ap lengri bibarht an ko tsiro, kay yon rovenna! Ma tape pal lengro koova, an ko tsiro, kay lenge yaake djoungeles djal!

Micha 7:4

I feteder oun lačeder lendar denn čourye har soubyengre bourra. O dives vell sik, kay t'mari phagi vell, ko dives, koles kolla glan-vi dikan, kay dan t'men trad. An ko tsiro vell i daar pral t'mende, te djinenn bouder gar, hoy te krenn.

Mateo 22:4

Oun pale bičras lo vavar boudepangren pash kolende, te penenn le ap lende: Shounenn, me krom i rhapen t'menge, oun marom thoulle groumya. Oun vavar lačo rhapen oun pipen hi lauter koy. Avenn ap i biyab!

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.