Jeremia 46:16 - O Debleskro Lab 2024 (Sinte-Manouche)

¹⁶ Yob krella, kay boud lendar perenna, oun yek ap o vavareste ap i phoub čiddo hi. Kote penenn i lourde: Avenn, mer djas pale pash mare menshende, an kol themma, kay khere ham! Avenn, nashas glan kal marepaskre rhare!

O Debleskro Drom 2021 (Sinte)

¹⁶ Job krella, kai bud lendar perenna, un jek ap o wawareste ap i phub tchiddo hi. Kote penenn i lurde: Awenn, mer djas pale pash mare menshende, an kol themma, kai khere ham! Awenn, nashas glan kal marepaskre chare!

Jeremia 46:16 Iomraidhean Croise

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

Jeremia 46:6

Kova kay sik hi, nay nashell peske gar. Oun kova kay zorelo hi, vell tapedo. Kote, an o nordetikro them pash o pani Eufrat peran le, oun ačenn le moulo čiddo.

Jeremia 50:16

Moukenn kekes djido, kay čivell djob an i phoub, oun kekes, kay činell o djob tele an ko tsiro, kay hi lo baro! Lauter kolla, kay hi gar khere an kava them, nashenn penge glan o marepaskro rharo, oun nashenn pash pengre menshende an pengro them.

Jeremia 51:9

[I vi-themarya, kay kote djivenn, penenn:] Mer kamam o foro Babilon sastes te krell, oun yob kamas gar sasto te vell. Palle moukenn les, har yob kamella! Mer djas halauter pale an mare themma! Leskri phagi hi yaake baro, te djal li bis an o bolepen.