Jeremia 44:6 - O Debleskro Lab 2024 (Sinte-Manouche)

⁶ Doleske vas miri rholi yaake baro, oun rhačas har i yag an i forya an o them Youda oun ap i dromma an o foro Yerusalem, te ačas lendar či har barra pral. Oun kek nay djivell kote, yaake har ap kava dives hi.

O Debleskro Drom 2021 (Sinte)

⁶ Doleske was miri choli jaake baro, un chatchas har i jag an i forja an o them Juda un ap i dromma an o foro Jerusalem, te atchas lendar tchi har barra pral. Un kek nai djiwell kote, jaake har ap kau diwes hi.

Jeremia 44:6 Iomraidhean Croise

Jesaja 1:7

T'maro them hi i moulo them, t'mare forya van tele rhačedo. Glan t'mare yaka rhan i vi-themarya kova, hoy ap t'mari phoub bares vas. Lauter hi moulo oun paash, har te perans i divye koy pral.

Jesaja 51:17

Ste pre! Ste pre! Hade tout, Yerusalem! Tou piyal dran o baro Debleskro khoro, hoy his pherdi leskri rholi. Tou hounte piyal ko khoro vin, bis te či bouder an leste his. Kolestar val har yek, kay hi mato, oun nay vell bouder gar tardo ap peskre herya.

Jesaja 51:20

Tire čave peran khetne, oun his čiddo ap hake dromma. Yon hi har i tserfo, hoy an i netsa djas. Yaake tapras len koy rholi o baro Deblestar, oun leskro čingepen.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

Jeremia 21:12

T'mer dran o Davideskri familya! Kova penell o baro Devel: Hako dives, te rakrenn o čačepen vin, denn yak, te lell hakeno peskro čačepen! Oun lenn kolen, kay van tele rikedo, dran kol čilačengre vasta vin! Te krenn kova gar, vell miri rholi pral t'mende, har i yag, kay nay krell kek vin. T'mer kran yaake boud čilačepen!

Jeremia 21:5

Me kourau man t'mentsa o zorelo vasteha, oun hadau miri moussi ap t'mende bari rholyah, oun krau miro dji pandlo t'menge.

Jeremia 34:22

Ava, me kharau len pale kay, oun anau len pale glan kava foro, penell o baro Devel. Yon venn troul kava foro tardo, oun lenn kava fores penge dren, oun rhačrenn les tele. Oun kol forya an o them Youda moukau yaake khetne te dell, te venn le har i moulo them, kay nay djivell bouder kek dren.

Jeremia 36:7

Nay vell, te moukenn le pengro čilačo drom oun mangenn pen tele glan o baro Debleste oun venn pale ap leskro drom. Palle nay rikrell o baro Devel peskri bari rholi pale, hoy les ap kal menshende hi, oun hounte dell len gar koy phari phagi, kolah lo len trad das.

Jeremia 4:27

O baro Devel penas: Ninna te vell kay tseli phoub har i moulo them, kamau gar lauter paash te krell.

Jeremia 4:4

Rikrenn t'men ap i laba, hoy t'mentsa vin krom! Oun krenn t'mare djia mange pre, t'mer menshe an Youda oun Yerusalem. Te krenn kova gar, vell miri rholi pral t'mende har yag, oun rhačella yaake, te nay krell kek koy yag vin.

Jeremia 42:18

Doleske penell o baro Devel, ko ray pral o bolepen oun i phoub, kay o Israeleskro Devel hi: Te djan t'mer an o them Egiptia, vell miri zoreli rholi yaake pral t'mende har vas li pral i menshende an o foro Yerusalem. An o them Egiptia han har praasede menshe. Pral kolende denn le i vasta khetne pral o shero. Yon san pral t'mende. Oun te kamenn le yekes te praasell, penenn le: Mou djal touke har i Israelenge an o them Egiptia! Oun kava them, kay kanna han, dikenn t'mer bouder gar.

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 7:17

Dikeh tou gar, hoy yon krenna an kol forya an Youda oun ap kol dromma an Yerusalem?

Jeremia 7:20

Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Jeremia 7:34

Oun o them Youda vell i moulo them. An lengre forya oun ap kol dromma an Yerusalem givell oun sal kek bouder i barhtyatar. Oun koy barhteli gole o pirnestar oun i pirnyatar shounah mer bouder gar.”

Jeremia 8:3

Oun lauter kolla, kay pral ačan kal čilače menshendar, kay djivenn kote, kay me len tradom, lenge vals o merepen feteder har o djipen. Kova penell o baro Devel, ko ray pral o bolepen oun i phoub.

Ropaskre gilja 1:1

Yerusalem, har mouklo hal koy čiddo, tou, kay hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rayetsa hals pral vavar themma. Kanna hounte boudress i vavarenge.

Ropaskre gilja 1:13

Yob bičras i yag dran o bolepen an mire kokale, hoy an mande rhačell. Yob čivas i netsa vin, te taprenn pen mire pire dren, oun moukas man ap o doumo te perell. Yob moukas man kokres čiddo. O tselo tsiro hom nasselo.

Ropaskre gilja 5:18

te dikah mer ap i berga Sion, kay li yaake moulo koy čiddo hi, oun i divye djoukle pral late nashenna.

Ezekiel 20:34

Oun me lau t'men vin dran kol tsele themma oun natsyone, kay tradedo van, oun anau t'men pale khetne. I zorelo vasteha oun i pre-hadedi moussyah oun bari rholyah krau me kova.

Ezekiel 24:13

Yerusalem, kova, hoy kras tout pale-čiddo, hi tiro vi-ladjedo koova. Har kamom me ko pale-čiddo koova toutar krik te lell, kamal te ačell har hals. Doleske ačeh pale-čiddo, yaake rah me miri rholi ap toute vin moukom!

Ezekiel 24:8

Me moukom ko rat ap ko baro bar, kay vell lo diklo, te moukap miri rholi zoreles te vell pral lende, te dap len pale, hoy le kran.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Ezekiel 6:12

Kolla, kay an i dour them hi, merenn ap o nasslepen. Oun kolla, kay djivenn an o them Israel oun troul o them trouyel, kolla merenn an o kourepen. Oun kolla, kay pral ačenn, merenn i bokatar. Yaake krau lentsa, bis te miri rholi trouyel hi.

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Daniel 9:12

Oun tou rikral tiro lab oun anal kova, hoy penal, pral mende oun pral mare čačepangre morshende, hoy menge o čačepen vin krenn. Koy bibarht, hoy moukal pral mende te vell, his yaake baro, te vas tel o tselo bolepen sau koova gar diklo har kova, hoy an o foro Yerusalem djas.

3. Mose 26:28

palle djau me an rholi ap t'mende, oun dau t'men i phagi hoy hi efta kope phareder har kaya, hoy bis kanna ap t'mende vas.

3. Mose 26:31

Me moukau t'mare forya an kotya te dell, oun dau kol platse paash, kay t'mare rhorhene deblen an-mangan. Oun kova, hoy t'mer mange rhačrenn, oun ko lačo soungepen, hoy vell vin, kova kamau bouder gar te soungell.

Nahum 1:2

O baro Devel hi i Devel, kay kamell, te mangenn i menshe kek vavar debles an har les kokres. Leskri rholi vell pral kolende, kay hadenn pen pral leste. Kolen, kay kamenn lestar či te djinell, dell yob i phagi. Oun bistrell gar, hoy yon ap leste kran.

Zakarie 1:2

O baro Devel, ko ray pral o bolepen oun i phoub, penas leske, te penell lo i menshenge Israel: Me, o baro Devel, homs rhoyedo pral t'mare phourende.

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

Zakarie 7:14

Doleske tradom len an vavar themma, hoy prindjran le gar. Oun lengro them vas mouklo. Kek boudras oun djivas bouder gar koy. Yaake kran le dran kava lačo them i moulo them.