Jeremia 44:3 - O Debleskro Lab 2024 (Sinte-Manouche)

³ Oun kova krom doleske, kay yon boud čilačepen kran, oun yon man rhoyedo kran, har mangan le vavar deblen an, oun rhačran lenge soungepaskro koova. Kolla his save debla, kolen yon glan kova gar prindjran, vitar gar t'mer oun vitar gar t'mare phoure.

O Debleskro Drom 2021 (Sinte)

³ Un kowa krom doleske, kai jon bud tchilatchepen kran, un jon man chojedo kran, har mangan le wawar deblen an, un chatchran lenge sungepaskro koowa. Kolla his sawe debla, kolen jon glan kowa gar prindjran, witar gar tumer un witar gar tumare phure.

Jeremia 44:3 Iomraidhean Croise

Nehemia 9:33

Tou hal an o čačepen tardo, har anal kova lauter pral mende. Kova, hoy tou kral, his mishto, ninna te djivam mer yaake, har te vals men kek Devel.

Jesaja 3:8

O foro Yerusalem peras, oun o them Youda hi koy čiddo. Hoske? Yon doukran o baro Debles pengre labentsa, oun ninna koleha, hoy le kran. Kova, hoy o zorelo Devel lenge penas, kaman le gar te krell.

Jeremia 11:17

Me, o baro Devel, ko ray pral o bolepen oun i phoub, krom dran o kheer Israel oun dran o kheer Youda i natsyona. Oun yon kran čilačo koova oun rhoyran man, har rhačran le firhen o debleske Baal. Doleske dau len trad, te vell bari bibarht pral lende.

Jeremia 16:10

Te penal tou kova lauter kol menshenge, poučenn yon toutar: Hoske dell men o baro Devel trad, kay vell savo midjak koova pral mende? Havi doosh anam ap mende? Havo čilačepen kram mer ap o baro Debleste, kay maro Devel hi?

Jeremia 22:9

Oun palle penenn le lenge: Leskre menshe rikran gar dren, hoy yob lentsa vin kras, te hi lo lengro Devel oun yon peskre menshe. Oun yon mangan vavar deblen an oun peran glan lende tele.

Jeremia 29:19

Kova vell pral lende doleske, kay shounan le gar ap kol laba, hoy mire rakepangre lenge pale te pale penan. Yon kaman gar te shounell, penell o baro Devel.

Jeremia 32:30

I menshe dran o kheer Israel oun dran o kheer Youda kran, hoy glan mire yaka djoungelo hi, yaake rah har yon i natsyona hi:

Jeremia 44:23

T'mer rhačran soungepaskro koova i bolepaskri rayetsake, oun kran, hoy djoungeles hi glan o baro Debleskre yaka, oun shounan gar ap leste, oun djivan gar pal leskre laba oun pal leskro čačepen, oun kran gar, hoy yob t'mendar kamas. Doleske vas savi bibarht pral t'mende, yaake har kava dives hi.

Jeremia 44:8

T'mer rhoyrenn man koleha, hoy krenn kote an o them Egiptia, kay djan, te djivenn koy. T'mer rhačrenn soungepaskro koova vavar deblenge. Kamenn t'mer halauter te merell? Kamenn, te praasenn t'men i menshe dran i tsele vavar themma oun san pral t'mende?

Jeremia 5:19

Oun te poučenn yon: Hoske krell maro baro Devel kova menge lauter?, hounte peness tou lenge: Yaake har t'mer mandar krik djan, oun van vavar deblenge koy an t'maro them, yaake hounte boudrenn t'mer vavar menshenge an i them, kay gar t'maro hi.

Jeremia 5:29

Moukap me len kova te krell oun penap či koy pre, penell o baro Devel. Dap me save menshen kek phagi?

Jeremia 7:19

Mange krenn yon koveha kek douka, penell o baro Devel. Ap pende kokres anenn le ladj.

Ropaskre gilja 1:8

Yerusalem anas doosh ap peste, doleske hi kava foro har i rhačedi djouvel. Halauter, kay hadan lat an o bolepen, praasenn lat kanna. Yon dikenn, har nango yoy hi. Yoy rovella oun khatrell peskro mouy.

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”

Daniel 9:5

Mer anam bari doosh ap mende, kram, hoy gar mishto hi, ačam gar touha oun moukam tiro drom. Mer djivam gar pal tire laba oun pal tiro čačepen.

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.

5. Mose 29:25

Oun yon mangan vavar deblen an, oun vitsran pen glan lende tele, save deblen, kolen yon gar prindjran oun kolendar yob lenge gar penas, te mangenn le len an.

5. Mose 29:26

Doleske rhačas o baro Debleskri rholi pre pral ko them, yaake te anas lo koy tseli bibarht pral leste, kolatar an kava liil činlo hi.

5. Mose 32:17

Yon anan firhen save deblenge, kay kek debla hi. Kolen prindjran yon glan kova gar. Kolla van neves pre. I phoure mangan len gar an.

Hebrearja 3:16

Penenn mange: Koon his kolla, kay shounan o Debleskro rakepen, oun kaman bouder gar ap leskro drom te djal? Kolla his lauter, kay djan o Moseha vin dran o them Egiptia.