Jeremia 44:21 - O Debleskro Lab 2024 (Sinte-Manouche)

²¹ Ma patsenn, kay djinas o baro Devel gar, hoy kran an i forya o themestar Youda oun an i dromma o forestar Yerusalem, t'mer oun t'mare phoure, t'mare bare raya, pralstoune oun i tsele menshe an o them! Kova djas o baro Debleske an o dji,

O Debleskro Drom 2021 (Sinte)

²¹ Ma patsenn, kai djinas o baro Dewel gar, hoi kran an i forja o themestar Juda un an i dromma o forestar Jerusalem, tumer un tumare phure, tumare bare raja, pralstune un i tsele menshe an o them! Kowa djas o baro Debleske an o dji,

Jeremia 44:21 Iomraidhean Croise

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

Debleskri gili 79:8

De men kek phagi koleske, hoy mare phoure kran! Kre sik tiro dji menge pre! Dik, men hi bouder kek zoor!

Jesaja 64:9

Tire forya van har i moulo them. O foro Yerusalem hi paash dino oun i berga Sion mouklo.

Jeremia 11:13

Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.

Jeremia 14:10

Yaake penas o baro Devel kal menshendar: Yon nashenn yek rigyatar ap i vavar, yaake har kamenn le. Doleske dikell o baro Devel gar lačes ap lende. Leske vell an o shero, havo čilačo koova yon kran. Oun lengri doshake dell yob len i phagi.

Jeremia 32:32

Kova hounte krap dran ko tselo čilačepen, hoy i menshe dran Israel oun Youda kran, te rhoyrenn le man. Yon, lengre bare raya, pralstoune, rashaya oun rakepangre, ninna kolla, kay djivenn an o foro Yerusalem,

Jeremia 44:17

Mer kamah kova te rikrell, hoy mer penam, oun koy bolepaskri rayetsake soungepaskro koova te rhačrell, oun lake mool vin čorell. Kova kram mer, oun kran mare phoure, mare bare raya oun pralstoune an i forya o themestar Youda oun an i dromma o forestar Yerusalem. Har kova kram, his men ninna doha maro, oun menge djas mishto, oun mer dikam kek bibarht.

Jeremia 44:20

Kote penas o Yeremia ap kol tsele menshende, kol morshende oun djouvyende oun kol tsele menshende, kay leske kal laba penan:

Jeremia 44:9

Bistran t'mer koy doosh, hoy t'mare phoure ap pende anan, i doosh i bare rayendar dran o them Youda, oun i doosh lengre romyendar, ninna t'mari doosh, kay anan pral t'mende, oun ko čilačo koova, hoy t'mare romya kran an o them Youda oun ap i dromma an o foro Yerusalem?

Ezekiel 16:24

Na-a, ap i tsele platse, kay menshe khetne venn an i foro, kral touke mangepaskre platse, kay mangal rhorhene deblen an.

Hosea 7:2

Oun kova djal gar an lengro shero dren, te djinau me lengro tselo čilačepen. Lengro čilačo koova hi troul lende trouyel, oun hi mange tardo glan mire yaka.

Amos 8:7

O baro Devel, koles i Israelitarya sharenn, yob das pes sovel oun penas: An kek tsiro bistrau kava čilačo koova, hoy le kran.

5. Mose 32:19

O baro Devel dikas kova, oun vas rhoyedo pral peskre čavende oun čende, kay kaman či bouder lestar te djinell.

5. Mose 32:34

O baro Devel bistrell gar, hoy kolla kran, oun djinell, hoy kamell lo lentsa te krell.

Debleskro tsiro 16:19

Oun o baro foro phagas an triin kotya. Oun i forya an i vavar themma peran khetne. O Devel bistras ko baro foro Babilon gar, oun moukas i menshen kote peskri rholi te piyell har mool.

Debleskro tsiro 18:5

Ko foro hi har i djouvel, hoy vi-ladjedo koova kras. Lakri doosh hi yaake baro, te djal koy doosh an o bolepen pre. Oun o Devel bistras ko čilačo koova gar, hoy yoy kras.

1. Samuel 15:3

Doleske dja kanna an o kourepen oun koure tout i Amalekarya, oun de len halauter moulo: morsha oun djouvya, čave oun ternepen, groumya oun bakre, khamele oun bourike.”