Jeremia 43:13 - O Debleskro Lab 2024 (Sinte-Manouche)

¹³ Oun yob phagell i bare barra pash o foro Bet-Shemesh an kotya. Oun i khera i deblentsa rhačrell lo tele an o them Egiptia.

O Debleskro Drom 2021 (Sinte)

¹³ Un job phagell i bare barra pash o foro Bet-Shemesh an kotja. Un i khera i deblentsa chatchrell lo tele an o them Egiptia.

Jeremia 43:13 Iomraidhean Croise

1. Mose 41:45

Oun o baro ray das o Yosefes o lab Zafenat-Panea. Ninna das yob les i romni, i Asnat. Lakro dad his o Potifera. Kova his o rashay an o foro On. Yaake las o Yosef i zoor pral o tselo them Egiptia.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Jesaja 19:18

Ap ko dives hi panč forya an o them Egiptia, kay rakrenn le o hebretikro rakepen, oun denn pen sovel pash o baro Debleste, ko rayeste pral o bolepen oun i phoub. Oun yek kol foryendar kharella Khameskro Foro.

Jesaja 46:2

Kal rhorhene debla phagenn khetne oun perenn, oun nay anenn gar pengre figuren vin, oun hounte djan pandles an i vavar them.

Jeremia 10:11

Pen lenge: Kol deblenge, kay kran gar o bolepen, vitar gar i phoub, hi kek platsa ap kay phoub oun tel o bolepen, oun nay ačenn gar.

Jeremia 25:19

Pal lende hounte piyenn i vavar menshe dran kava khoro: o baro ray pral Egiptia; ninna kol vavar pralstunende; oun i tsele Egiptarya;

Jeremia 43:12

Oun me moukau kol khera te rhačrell, hoy i Egiptarya pengre deblenge kran. Oun lengre debla moukau pandles krik te anell. Oun yob krell o them Egiptia djoudjo i rhorhene deblendar yaake har i bakrengro i djouva vin lell dran peskri plaashka. Oun palle djal lo doureder oun kek rikrell les pre.

Jeremia 44:1

Kava hi kava lab, hoy o baro Devel penas ap o Yeremia pral kol tsele menshende dran o them Youda, kay djivenn an o them Egiptia. Yon his an i forya Migdol, Tapanes oun Memfis, ninna an o them Patros.

Jeremia 46:25

O baro Devel, ko ray pral o bolepen oun i phoub, kay o Israeleskro Devel hi, yob penell: Me anau i phagi ap ko debleste Amon an o foro No, ninna ap o baro rayeste pral o them Egiptia, oun ap o tselo them Egiptia peskre deblentsa oun rayentsa. Ava, o Farao oun halauter, kay patsenn, te vell lo lenge ap i rig, kolla lenn pengri phagi.

Ezekiel 26:11

I graya stakrenn tire tsele dromma paash. Tire menshe venn o rhareha moulo dino. Oun tire zorele barrengre turme perenn ap i phoub.

Ezekiel 30:13

Kava penell o baro Devel, maro ray: Me moukau i rhorhene deblen paash te krell, oun lau i figuren dran o foro Memfis krik. Oun an o them Egiptia hi bouder kek ray. Oun bari daar taprell o tselo them.

Ezekiel 30:17

I terne morsha dran i forya On oun Pi-Beset venn o rhareha moulo dino, oun i vavar dran kol forya venn pandles krik anlo.

Daniel 11:8

Ninna lell lo lengre deblen oun figuren oun lengro kouč koova, hoy dran roup oun sonakay hi, oun anell kova an o them Egiptia. Oun palle moukell lo bershenge tele ko baro rayestar pral o them Syria.