Jeremia 42:2 - O Debleskro Lab 2024 (Sinte-Manouche)

² oun penan ap o Debleskro rakepaskro, o Yeremia: Mouk maro mangepen glan toute te vell, oun mange tiro baro Deblestar kal tsele menshenge, kay pral ačan! Glan i tsiro hams boud, kanna ačan gar boud pral mendar, har tou nay tire yakentsa dikeh.

O Debleskro Drom 2021 (Sinte)

² un penan ap o Debleskro rakepaskro, o Jeremia: Muk maro mangepen glan tute te well, un mange tiro baro Deblestar kal tsele menshenge, kai pral atchan! Glan i tsiro hams bud, kanna atchan gar bud pral mendar, har tu nai tire jakentsa dikeh.

Jeremia 42:2 Iomraidhean Croise

1. Rajengro liil 13:6

Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

Debleskri gili 119:170

Shoun koy gole miro djiyestar! Le miro djipen vin dran i bibarht yaake har tou mange penal!

2. Mose 8:28

Oun ninna kava kopo pandas o Farao peskro dji oun moukas i Israelitarya gar te djal.

2. Mose 9:28

Mang o baro Debles, te vell kanna o barrengro brishin doha, oun te dell o bolepen bouder gar gole! Palle moukau me t'men te djal, oun rikrau t'men bouder gar kay.”

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 37:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Jesaja 42:20

Ninna te dikan t'mer boud koova, lan les gar an o dji. Ninna te his t'mare kanda pre, shounan gar.

Jeremia 15:11

Baro Devel, te mangom toutar gar lačepen lenge, te mangom toutar gar, te less len vin dran i čilače vasta an lengre phare tsirya oun an lengri daar, palle moukess koy bibarht te vell, hoy kamenn yon ap mande te anell.

Jeremia 2:27

kolla, kay ap i debla penenna: “Tou hal miro dad!” oun ap i barrengre debla: “Tou anal man ap i phoub.” Mange sikran le pengro doumo oun gar pengro mouy. Te vell kanna i bibarht pral lende, denn le gole: “Ray! Ab ap mari rig!”

Jeremia 21:2

“O Neboukadnezar, ko baro ray pral Babilonia vas, te kourell lo pes mentsa, oun hi peskre lourdentsa troul o foro Yerusalem tardo. Mange menge o baro Deblestar! Te kamell yob, nay vell lo menge peskri bari zoryah ap i rig, har yob kova boudeder kope kras, yaake te hounte tserdell pes o Neboukadnezar pale.”

Jeremia 36:7

Nay vell, te moukenn le pengro čilačo drom oun mangenn pen tele glan o baro Debleste oun venn pale ap leskro drom. Palle nay rikrell o baro Devel peskri bari rholi pale, hoy les ap kal menshende hi, oun hounte dell len gar koy phari phagi, kolah lo len trad das.

Jeremia 37:20

Miro pralstouno oun ray, mouk miro mangepen glan toute te vell! Oun shoun, hoy toutar mangau! Ma mouk man pale te anell an o kheer o Yonatanestar, kova kay činell i lila. Kova vals miro merepen!

Jeremia 37:3

Oun o baro ray Sedekya bičras o Youkal, koleskro dad o Shelemya his, ninna o rashayes Sefanya, koleskro dad o Maasseya his, pash o Yeremia oun moukas leske te penell: Mange maro baro Debles menge, i Israelitarya!

Jeremia 38:14

Oun o baro ray Sedekya bičras morshen pash o Debleskro rakepaskro, o Yeremia, oun moukas les pash peste te anell pash o triinto voudar an o baro Debleskro kheer. Kote penas o baro ray Sedekya ap o Yeremia: Me kamau tout čomone te poučell; ma kate čomone glan mande!

Jeremia 40:15

Kote penas o Yohanan čorrhanes ap o Gedalya: Mouk man te djap koy, te marap o Ismael. Kek hounte djinell, koon kova kras! Mer kamah gar, te dell lo tout moulo. Palle nay ačans i tsele menshe dran o them Youda, kay kate pash toute hi, bouder gar khetne, oun hounte djivans pale kate te kote! Oun kolla, kay pral ačans an o them Youda, vans maredo!

Jeremia 42:20

T'mer bičran man pash t'maro baro Debleste, oun penan: “Pouč maro baro Deblestar menge, oun pen menge halauter, hoy lo penell, te kras mer kova.” Te shounenn t'mer kanna gar ap leste, anenn t'mer t'men an i bibarht.

Ropaskre gilja 1:1

Yerusalem, har mouklo hal koy čiddo, tou, kay hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rayetsa hals pral vavar themma. Kanna hounte boudress i vavarenge.

Ezekiel 12:16

O rharo, i bok oun i pharo nasslepen marenn boud lendar. Gar boud lendar moukau djido. Kolla nay penenn kol menshenge, pash lende yon djivenn, havo djoungelo koova i Israelitarya kran. Yaake dikenn oun hayvenn kolla ninna, te hom me o baro Devel.

Hosea 8:10

Ninna te denn le love kol rayende pral i vavar themma, kamau len me khetne te lell, te dap len i phagi. An i tikno tsiro hounte djan le doukentsa tel o pharepen, hoy čivell o baro ray dran o them Assour ap lende.

3. Mose 26:22

Divye firhe bičrau mank t'mende, te rhan le t'mare čaven oun firhen, oun marenn yaake boud t'mendar, te venn t'mare dromma mouklo.

Amos 7:2

An miro dikepen dikom, har kaman i stepangre o tselo zenlepen te rhal an o them. Koy penom: “Baro Devel, maro ray, ma dik ap mari doosh! Har nay vell o Yakobeskro kheer pale ap i herya, kay yaake tikno hi.”

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

Bičepangre 8:24

Koy penas o Simon ap lende: “Mangenn o Deblestar, te vell kova gar pral mande, hoy t'mer penan!”

5. Mose 28:62

T'mer hans yaake boud menshe har i momlia an o bolepen. Te shounenn gar ap t'maro baro Debleste, ačenn t'mendar kokres i vast pherdo djido.

5. Mose 28:63

Oun yaake har o baro Debleske shoukar his, te krell lo t'menge lačepen, oun te krell lo t'mendar boud menshe, yaake vell leske palle shoukar, te krell lo t'menge čilačepen, bis te ačenn gar boud t'mendar pral. Oun dran ko them, kay kanna dren djan, te lenn les t'menge dren, venn t'mer palle vin tserdedo.

5. Mose 4:27

O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

1. Samuel 12:19

Oun yon penan ap o Samuel: “Mer ham tire boudepangre. Mang menge o baro Debles, kay tiro Devel hi, yaake te hounte meras mer gar. Ap mende hi boud doosh čiddo. Oun kanna kram ninna ko čilačo koova, te mangam menge i baro rayes pral mende.”

1. Samuel 12:23

Oun me ninna, kamau gar i doosh ap mande te anell glan o baro Debleste, te mangap les gar t'menge. Me kamau te sikrap t'mende o lačo oun čačo drom.

1. Samuel 7:8

Oun yon penan ap o Samuel: “Mouk gar tele, te mangess menge maro baro Deblestar, te lell lo men vin dran i vasta kol Filistarendar.”