Jeremia 41:9 - O Debleskro Lab 2024 (Sinte-Manouche)

⁹ Koy brounna, kay vitsras o Ismael kol moule morshen, kay lo maras, ninna o Gedalyes, koy brounna hi koya, kay o baro ray Asa moukas te krell, har his lo an o kourepen o baro rayeha pral o them Israel, leskro lab his Baasha. Koy brounna kras o Ismael pherdo kol morshendar, kay maras lo.

O Debleskro Drom 2021 (Sinte)

⁹ Koi brunna, kai witsras o Jishmael kol mule murshen, kai lo maras, ninna o Gedaljes, koi brunna hi koja, kai o baro rai Asa mukas te krell, har his lo an o kurepen o baro rajeha pral o them Israel, leskro lab his Baasha. Koi brunna kras o Jishmael pherdo kol murshendar, kai maras lo.

Jeremia 41:9 Iomraidhean Croise

2. Samuel 17:9

Shoun, kova hi nay yaake, kay khatras yob pes mank bare barra oder an i vavar khatepen. Palle, te vell kova yaake, kay tire lourdendar maredo venna, nay vals penlo, kay o Absalomeskre tsele lourde maredo van.

Jesaja 14:19

Tou hal an i čik vitsedo, har i kotar kasht krik vitsedo hi. Tout hi kek mouleskro kheer, hal rido har kolla, kay van maredo o rhareha, hal vitsedo lentsa an i barrengri phoub oun khetne stakedo.

Hebrearja 11:38

Yon nashan an o moulo them trouyel, ninna an i berge oun djinan gar, kay te djan le. Mashkral i bare barra khatran le pen, ninna tel i phoub. Kolla lauter his lače menshe. I vavar menshe ap kay phoub his gar moldo, te djivan kol lače menshe mashkral lende.

Čačepangre 6:2

Oun kolengro vast vas yaake zoreles pral o Israel, te khatran pen i Israelitarya an i berge oun djivan an i grotte mank i bare barra oun an zorele khera, hoy kran pen le an i berge.

1. Samuel 13:6

Har i Israelitarya dikan, har zorelo i Filistarya hi, tapras len i daar, oun yon khatran pen an i phoub, pal soubyengre bourra, mank bare barra, an grufte oun panyengre rhebya.

1. Samuel 14:11

Oun kol douy sikran pen kol Filistarengre lourdenge, kay koy yak dan. Oun kolla penan ap pende: “Ake, i Hebrearya venn dran pengre rhebya vin, an kolende yon pen khatran!”

1. Samuel 14:22

Oun i tsele morsha dran Israel, kay khatran pen an i berge Efrayim, shounan, te nashenn i Filistarya penge. Oun yon van vin oun lan len palla oun dan len.

1. Samuel 24:3

Oun o Saul las peske 3.000 (triin-zerya) vin rodede morshen dran o tselo them Israel, oun djas lentsa koy, te rodell lo les. Oun o David oun leskre morsha his vergel kol bare barra, hoy kharenn bouzyengre barra.