Jeremia 41:8 - O Debleskro Lab 2024 (Sinte-Manouche)

⁸ Mank lende his kokres deesh morsha, kay van gar maredo. Yon penan ap o Ismael: Ma mare men; mer sikrah tout, kay khatram boud rhapen ap i harhetikri phoub: gib oun djob, djet oun gvin. Kote moukan le lendar tele, oun maran len gar i vavarentsa.

O Debleskro Drom 2021 (Sinte)

⁸ Mank lende his kokres deesh mursha, kai wan gar maredo. Jon penan ap o Jishmael: Ma mare men; mer sikrah tut, kai khatram bud chapen ap i hachetikri phub: gib un djob, djet un gwin. Kote mukan le lendar tele, un maran len gar i wawarentsa.

Jeremia 41:8 Iomraidhean Croise

Hiob 2:4

Oun o beng penas ap o baro Debleste: “Lauter, hoy i menshes hi, dell lo peskro djipaske.

Gosewe laba 13:8

I bravelo nay ginell peskro djipen vin. I čorveleste dell kek trad. Pash leste hi či te lell.

Jesaja 45:3

Me dau tout bravlepen, hoy khatedo his, oun kouč koova, hoy mishto čakedo his. Te hayvess tou, te hom me o baro Devel, ko Devel pral o Israel, oun dom tout gole pash tiro lab.

Jeremia 41:9

Koy brounna, kay vitsras o Ismael kol moule morshen, kay lo maras, ninna o Gedalyes, koy brounna hi koya, kay o baro ray Asa moukas te krell, har his lo an o kourepen o baro rayeha pral o them Israel, leskro lab his Baasha. Koy brounna kras o Ismael pherdo kol morshendar, kay maras lo.

Mateo 16:26

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

Mateo 6:25

Doleske penau me t'menge: Ma darenn t'maro djipaske! Ma darenn, te vell t'men či te rhal oun či te piyell, vitar gar, te vell t'men či an-ripaske! O djipen hi boudeder moldo har o rhapen. Oun o mensho hi boudeder moldo har o ripen.