Jeremia 41:2 - O Debleskro Lab 2024 (Sinte-Manouche)

² Oun o Ismael stas khetne peskre deesh morshentsa pre, kay pash leste his, oun dan o Gedalya o rhareha moulo, koles o baro ray dran o them Babilonia pral o them čivas.

O Debleskro Drom 2021 (Sinte)

² Un o Jishmael stas khetne peskre deesh murshentsa pre, kai pash leste his, un dan o Gedalja o chareha mulo, koles o baro rai dran o them Babilonia pral o them tchiwas.

Jeremia 41:2 Iomraidhean Croise

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

2. Rajengro liil 25:25

Oun an o eftato čon vas o Ismael, koleskro dad o Netanya his, koleskro dad o Elishama his. Kolla his dran o baro rayeskri familya. Oun deesh morsha his pash leste. Oun yon dan o Gedalyes temerl. Koy pashel maran le ninna kol morshen dran o them Youda oun dran o them Babilonia, kay pash leste his an o foro Mispa.

Debleskri gili 109:5

Har homs lenge lačo, dan le man čilačepen pale. Har sikrom len miro kamlepen, dikan le čilače yakentsa ap mande.

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

Jeremia 40:14

oun penan ap leste: Djineh tou ninna, kay bičras o Baalis, ko baro ray pral o them Ammon, yekes, te dell lo tout temerl? Kova hi o Ismael, koleskro dad o Netanya his. Kova kamas o Gedalya lenge gar te patsell.

Jeremia 40:16

Kote penas o Gedalya ap o Yohanan: Na-a, ma kre kova! Kova hi gar čačo, hoy tou pral o Ismael penal.

Jeremia 40:5

Har yob dikas, kay ačell o Yeremia tardo, penas lo ap leste: Dja pash o Gedalya, koleskro dad o Ahikam his, koleskro dad o Shafan his. Koles čivas o baro ray dran o them Babilonia pral i tsele forya an o them Youda. Ač pash leste mank tire menshende; oder dja kote koy, kay tou kameh. Oun o pralstouno i lourdendar das les rhapen ap peskro drom, oun vavar lačo koova, oun moukas les te djal.

Jeremia 40:7

Koy his pralstoune lourde dran o them Youda pengre lourdentsa kate te kote an o them. Yon shounan, kay čivas o baro ray dran o them Babilonia ko čaves o Ahikamestar, o Gedalya, pral o them oun pral kol morshende oun djouvyende oun čavende oun kol čorvelende, kay gomme an o them Youda his, oun gar an o them Babilonia krik anlo van.

Jeremia 40:8

Kal pralstoune lourde his: O Ismael, koleskro dad o Netanya his, o Yohanan oun o Yonatan, kolengro dad o Karea hi, oun o Seraya, koleskro dad o Tanhoumet his, oun i morsh čave o morshestar Efay dran Netofa, oun o Yazania dran Maaka. Yon lauter oun lengre lourde van pash o Gedalya. Kova his an o foro Mispa.

Jeremia 41:3

Ninna maras o Ismael i tsele menshen dran o them Youda, kay pash o Gedalya his an o foro Mispa. Oun i tsele lourden dran o them Babilonia, kay kote his, maras lo ninna.

Johanni 13:18

Kova penau me gar t'mendar halauterendar. Me djinau, kones me vin rodom. Kova hounte vell yaake, har an o Debleskro lab tardo hi: Kova, kay rhal kanna o maro mantsa, dell i ladini ap mande.