Jeremia 41:16 - O Debleskro Lab 2024 (Sinte-Manouche)

¹⁶ O Yohanan, koleskro dad o Karea his, oun i tsele pralstoune morsha i lourdendar, kay pash leste his, kolla lan kol tsele menshen pash pende, kolen o Ismael dran o foro Mispa pandles krik anas, har lo o Gedalyes temerl das, oun kolen yon pash o foro Gibeon dran leskre vasta vin lan. Kolla his kourepangre, djouvya oun čave, oun i pralstoune dran o baro rayeskro kheer.

O Debleskro Drom 2021 (Sinte)

¹⁶ O Johanan, koleskro dad o Kareach his, un i tsele pralstune mursha i lurdendar, kai pash leste his, kolla lan kol tsele menshen pash pende, kolen o Jishmael dran o foro Mizpa pandles krik anas, har lo o Gedaljes temerl das, un kolen jon pash o foro Gibeon dran leskre wasta win lan. Kolla his kurepangre, djuwja un tchawe, un i pralstune dran o baro rajeskro kheer.

Jeremia 41:16 Iomraidhean Croise

2. Rajengro liil 25:23

Oun har i pralstoune lourde dran Youda shounan, kay o baro ray pral o them Babilonia o Gedalyes pral o them Youda dren čivas, van le i lourdentsa pash o Gedalya an o foro Mispa. Kol pralstoune lourde his: o Ismael, koleskro dad o Netanya his; o Yohanan, koleskro dad o Karea his; o Seraya, koleskro dad o Tanhoumet his dran Netofa oun o Yazania dran Maaka.

Jeremia 41:10

Oun yob las i menshen pandles, kay an o foro Mispa djides ačan: o baro rayeskre ča oun kol vavar menshe, halauteren, kay o Nebouzaradan, ko pralstouno i lourdendar, an o foro Mispa pale moukas, te dell o Gedalya garda ap lende. Oun o Ismael djas lentsa peske, oun kamas vergel pash i Ammonarya te djal.

Jeremia 42:8

Kote kharas lo o Yohananes, oun i pralstunen i lourdendar, kay pash leste his, oun i tsele menshen, tikne oun bare,