Jeremia 41:1 - O Debleskro Lab 2024 (Sinte-Manouche)

¹ An o eftato čon vas o Ismael an o foro Mispa. Leskro dad his o Netanya, koleskro dad o Elishama his. O Ismael his dran i rayengri familya, oun yek o pralstunendar o baro rayestar. Oun pash leste his deesh morsha. Khetne djan le pash o Gedalya, koleskro dad o Ahikam his. Oun yon rhan kote khetne an o foro Mispa.

O Debleskro Drom 2021 (Sinte)

¹ An o eftato tchon was o Jishmael an o foro Mizpa. Leskro dad his o Netanja, koleskro dad o Elishama his. O Jishmael his dran i rajengri familja, un jek o pralstunendar o baro rajestar. Un pash leste his deesh mursha. Khetne djan le pash o Gedalja, koleskro dad o Ahikam his. Un jon chan kote khetne an o foro Mizpa.

Jeremia 41:1 Iomraidhean Croise

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

2. Rajengro liil 11:1

Har o Ahasya moulo his, stas leskri day, i Atalya, pre, te marell li hakenes, kay o baro rayeha dran yek familya vas.

2. Rajengro liil 25:22

Pral kol menshende, kay pral ačan an o them Youda, kolen o Neboukadnezar, ko ray pral o them Babilonia, pral moukas, čivas lo o morshes Gedalya, koleskro dad o Ahikam his, koleskro dad o Shafan his.

2. Rajengro liil 25:25

Oun an o eftato čon vas o Ismael, koleskro dad o Netanya his, koleskro dad o Elishama his. Kolla his dran o baro rayeskri familya. Oun deesh morsha his pash leste. Oun yon dan o Gedalyes temerl. Koy pashel maran le ninna kol morshen dran o them Youda oun dran o them Babilonia, kay pash leste his an o foro Mispa.

2. Familjakro liil 22:10

Har o Ahasya meras, stas leskri day, i Atalya, pre, te marell li hakenes, kay o baro rayeha pral Youda dran yek familya vas.

Debleskri gili 109:5

Har homs lenge lačo, dan le man čilačepen pale. Har sikrom len miro kamlepen, dikan le čilače yakentsa ap mande.

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

Gosewe laba 13:10

Mank i pre-phourde hi hako tsiro čingepen. Te hal gosevo, moukeh touke čomone te penell.

Gosewe laba 27:4

I rholi hi divyo oun zorelo har i zorelo pani, hoy lauter peha krik tserdell. Koon nay ačell tardo te zilverell i morsh?

Jeremia 36:12

Oun sik djas lo an o baro rayeskro kheer, kote, kay i pralstoune khetne beshdo his: o činepaskro Elishama, kay i lila činas, o Delaya, koleskro dad o Shemaya his, o Elnatan, koleskro dad o Akbor his, o Gemarya, koleskro dad o Shafan his, o Sidkiya, koleskro dad o Hananya his, oun kol vavar pralstoune.

Jeremia 36:20

Kol pralstoune moukan ko liil an i isema ko morshestar Elishama, kay o činepaskro his. Oun yon djan pash o baro rayeste dren oun penan leske halauter.

Jeremia 40:13

Pal i tsiro vas o Yohanan, koleskro dad o Karea his, khetne kol tsele vavar pralstunentsa, kay kate te kote an o them djivan, pash o Gedalya an o foro Mispa,

Jeremia 40:5

Har yob dikas, kay ačell o Yeremia tardo, penas lo ap leste: Dja pash o Gedalya, koleskro dad o Ahikam his, koleskro dad o Shafan his. Koles čivas o baro ray dran o them Babilonia pral i tsele forya an o them Youda. Ač pash leste mank tire menshende; oder dja kote koy, kay tou kameh. Oun o pralstouno i lourdendar das les rhapen ap peskro drom, oun vavar lačo koova, oun moukas les te djal.

Jeremia 40:6

Yaake vas o Yeremia an o foro Mispa pash o Gedalya, koleskro dad o Ahikam his, oun ačas pash leste mank peskre menshende, kay ačan pral an o them.

Jeremia 40:7

Koy his pralstoune lourde dran o them Youda pengre lourdentsa kate te kote an o them. Yon shounan, kay čivas o baro ray dran o them Babilonia ko čaves o Ahikamestar, o Gedalya, pral o them oun pral kol morshende oun djouvyende oun čavende oun kol čorvelende, kay gomme an o them Youda his, oun gar an o them Babilonia krik anlo van.

Jeremia 40:8

Kal pralstoune lourde his: O Ismael, koleskro dad o Netanya his, o Yohanan oun o Yonatan, kolengro dad o Karea hi, oun o Seraya, koleskro dad o Tanhoumet his, oun i morsh čave o morshestar Efay dran Netofa, oun o Yazania dran Maaka. Yon lauter oun lengre lourde van pash o Gedalya. Kova his an o foro Mispa.

Ezekiel 17:13

Oun yob las o rayeskre čavendar yekes, oun kras leha vin, te vell yob o ray pral o them Youda, oun moukas les i sovel te dell, te perell lo gar lestar tele. I pralstunen dran ko them las lo pandles an Babilonia,

Johanni 13:18

Kova penau me gar t'mendar halauterendar. Me djinau, kones me vin rodom. Kova hounte vell yaake, har an o Debleskro lab tardo hi: Kova, kay rhal kanna o maro mantsa, dell i ladini ap mande.