Jeremia 40:9 - O Debleskro Lab 2024 (Sinte-Manouche)

⁹ Oun o Gedalya das pes glan lende sovel oun penas: Ma trashenn i lourdendar dran Babilonia! Moukenn len pral t'mende o ray te vell! Ačenn kate an o them oun boudrenn o baro rayeske dran o them Babilonia! Palle djal t'menge mishto.

O Debleskro Drom 2021 (Sinte)

⁹ Un o Gedalja das pes glan lende sowel un penas: Ma trashenn i lurdendar dran Babilonia! Mukenn len pral tumende o rai te well! Atchenn kate an o them un budrenn o baro rajeske dran o them Babilonia! Palle djal tumenge mishto.

Jeremia 40:9 Iomraidhean Croise

1. Mose 49:15

Yob dikas, har shoukar leskri platsa hi oun har kamlo o them hi, oun čivas peskro phiko tele, te hidjrell lo pharo koova oun boudrell i vavarenge.

2. Rajengro liil 25:24

Oun o Gedalya das pes glan lende oun kol vavar morshende sovel oun penas ap lende: “Ma trashenn i lourdendar dran o them Babilonia! Ačenn an o them oun boudrenn o baro rayeske dran o them Babilonia, palle djal t'menge mishto.”

Debleskri gili 128:2

Tou rhah kolestar, hoy tire vasta boudran. Mishto touke! Touke djal lačo.

Debleskri gili 37:3

Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Jeremia 27:11

Kol menshe an vavar themma, kay moukenn o baro rayes dran Babilonia pengro ray te vell, oun krenn, hoy yob kamell, kolla nay ačenn an pengre themma, oun nay boudrenn ap pengri phoub oun djivenn kote. Kova penell o baro Devel.

Ropaskre gilja 1:1

Yerusalem, har mouklo hal koy čiddo, tou, kay hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rayetsa hals pral vavar themma. Kanna hounte boudress i vavarenge.

Ropaskre gilja 5:9

Te djah vin, te las rhapen dren, hounte daras maro djipaske. Kourepangre dran o moulo them kamenn men o rhareha te marell.