Jeremia 40:5 - O Debleskro Lab 2024 (Sinte-Manouche)

⁵ Har yob dikas, kay ačell o Yeremia tardo, penas lo ap leste: Dja pash o Gedalya, koleskro dad o Ahikam his, koleskro dad o Shafan his. Koles čivas o baro ray dran o them Babilonia pral i tsele forya an o them Youda. Ač pash leste mank tire menshende; oder dja kote koy, kay tou kameh. Oun o pralstouno i lourdendar das les rhapen ap peskro drom, oun vavar lačo koova, oun moukas les te djal.

O Debleskro Drom 2021 (Sinte)

⁵ Har job dikas, kai atchell o Jeremia tardo, penas lo ap leste: Dja pash o Gedalja, koleskro dad o Ahikam his, koleskro dad o Shafan his. Koles tchiwas o baro rai dran o them Babilonia pral i tsele forja an o them Juda. Atch pash leste mank tire menshende; oder dja kote koi, kai tu kameh. Un o pralstuno i lurdendar das les chapen ap peskro drom, un wawar latcho koowa, un mukas les te djal.

Jeremia 40:5 Iomraidhean Croise

2. Rajengro liil 22:12

Oun o baro ray kharas kol morshen khetne: o rashay Hilkiya, o Ahikam, ko his i čavo o Shafanestar, o Akbor, koleskro dad o Mikaya hi, o Shafan, kay činas i lila, oun o Asaya, ko his i pralstouno an o baro rayeskro kheer. Oun o baro ray penas lenge:

2. Rajengro liil 22:14

Kote djan o rashay Hilkiya, o Ahikam, o Akbor, o Shafan oun o Asaya pash i Debleskri rakepaskretsa Houlda. Koya djivas an o nevo kotar o forestar Yerusalem. Lakro rom his o Shalloum. Leskro dad his o Tikva. Koleskro dad his o Haras. O Shalloum das garda ap o ripyengro kheer. Oun kol morsha rakran lah.

2. Familjakro liil 34:20

Oun o baro ray kharas kol morshen khetne: o Hilkiya, o Ahikam, ko his i čavo o Shafanestar, o Akbor, koleskro dad o Mika hi, o Shafan, kay činas i lila, oun o Asaya, ko his i pralstouno an o baro rayeskro kheer. Oun o baro ray penas lenge:

Esra 7:27

Sharedo vell o baro Devel, ko Devel mare phourendar! Yob hi kova, kay čivas sau koova an o rayeskro dji, te nay vell o baro Debleskro kheer an o foro Yerusalem yaake raylo oun shoukar!

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Hiob 22:29

Ap kolende, kay hounte djan i telstouno drom, peneh tou: Stenn pre! Oun o Devel hadell koles pale pre, kay hidjrell peskre yaka gar pre.

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Jeremia 15:11

Baro Devel, te mangom toutar gar lačepen lenge, te mangom toutar gar, te less len vin dran i čilače vasta an lengre phare tsirya oun an lengri daar, palle moukess koy bibarht te vell, hoy kamenn yon ap mande te anell.

Jeremia 26:24

Pral o Yeremiyes rikras o Ahikam peskro vast. Koleskro dad his o Shafan. O Ahikam moukas les gar an i vasta kol menshendar te dell, kay kaman les te marell.

Jeremia 40:4

Oun kanna dik, me lau i shelle toutar tele, kay tire vasta pandan. Te kameh, oun te hi touke mishto, ab mantsa an o them Babilonia, ab oun me dau garda ap toute. Te kameh gar te djas mantsa an o them Babilonia, palle nay moukeh les. Dik, o tselo them hi glan toute čiddo; kay tou kameh oun kay touke mishto hi, kote nay djah tou touke koy.

Jeremia 41:1

An o eftato čon vas o Ismael an o foro Mispa. Leskro dad his o Netanya, koleskro dad o Elishama his. O Ismael his dran i rayengri familya, oun yek o pralstunendar o baro rayestar. Oun pash leste his deesh morsha. Khetne djan le pash o Gedalya, koleskro dad o Ahikam his. Oun yon rhan kote khetne an o foro Mispa.

Jeremia 41:18

Len his traash glan i Babilonarya, doleske kay o Ismael o Gedalyes moulo das, koles o baro ray dran o them Babilonia pral o them Youda čivas.

Jeremia 41:2

Oun o Ismael stas khetne peskre deesh morshentsa pre, kay pash leste his, oun dan o Gedalya o rhareha moulo, koles o baro ray dran o them Babilonia pral o them čivas.

Bičepangre 27:3

O vavar dives vam an o foro Sidon. O Yulio his kamlo ap o Pauleste, oun moukas les pash peskre malende te djal, te venn kolla leske koy.

Bičepangre 27:43

Ko baro lourdo kamas gar, te vell o Paulo moulo dino. Yob djas koy mashkral oun penas, te stenn kanna kolla an o pani, kay nay rikrenn pen pral o pani, te venn le vergel ap o them.

Bičepangre 28:10

Oun yon sharan men boud. Triin čon ačam kote. Oun har mer doureder ouleram, dan le men rhapen oun pipen peha. Mer ouleram doureder ap o shiffo, hoy ačas pral o vend ap ko them, hoy kharella Malta. Kava shiffo vas dran o foro Alexandria oun kharas Dioskuro.

Hebrearja 13:6

Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?