Jeremia 40:10 - O Debleskro Lab 2024 (Sinte-Manouche)

¹⁰ Me ačau kate an Mispa, oun hom t'maro rakepaskro, kay rakrau ap i Babilonarya, te venn le pash mende. Djan an t'mare forya, oun djivenn pale kote! Anenn dren, hoy kote bares vas: molyengre drake, niyaleskre roukengre oun djeteskre drake. Krenn mool oun djet oun čivenn kova lauter an bare pirya!

O Debleskro Drom 2021 (Sinte)

¹⁰ Me atchau kate an Mizpa, un hom tumaro rakepaskro, kai rakrau ap i Babilonarja, te wenn le pash mende. Djan an tumare forja, un djiwenn pale kote! Anenn dren, hoi kote bares was: moljengre drake, nijaleskre rukengre un djeteskre drake. Krenn mool un djet un tchiwenn kowa lauter an bare pirja!

Jeremia 40:10 Iomraidhean Croise

2. Samuel 16:1

Oun o David djas i kotar i berga tele. Koy tapras les o Siba, ko boudepaskro foun o Mefi-Boshet douy eslentsa. Koy pre his douy sheel mare oun yek sheel tikne gone pherde drake, hoy trouk kerdo van, oun sheel niyaleskre roukengre oun i ledertikro gono mool.

1. Rajengro liil 10:8

Barhtele hi kol menshe troul toute, barhtele tire boudepangre, kay o tselo dives glan toute tardo hi, oun nay shounenn tiro gosvepen.

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

Gosewe laba 27:25

Anal o phouss dren oun o nevo zenlepen vell pale vin, oun lal khetne ko zenlepen ap i berge,

Jesaja 16:9

Doleske rovau me khetne kolentsa, kay an o foro Yaser djivenn, rovau pral i drakengre rouka pash o foro Sibma. Boud hi mire sva, hoy rovau pral toute, Heshbon, oun pral toute, Elale. Pral t'mare roukengre oun pral t'mari djob denn kolla gole i barhtyatar, kay kouran pen t'mentsa.

Jeremia 35:19

doleske penau t'menge: Hako tsiro hi menshe koy o Yonadabeskre čavendar, kay mange boudrenn. Kova penell o baro Devel, ko ray pral o bolepen oun i phoub, kay o Israeleskro Devel hi.

Jeremia 39:10

Kokres i čorvelen, kolen kay či his, moukas o Nebouzaradan, an o them Youda pale, oun das len drakengro them oun harhetikri phoub.

Jeremia 40:12

kote van yon ninna pale an o them Youda dran i tsele themma, kay le his. Oun yon djan pash o Gedalya an o foro Mispa, te sikrenn le pen glan leste. Oun yon anan boud molyengre drake oun niyaleskre roukengre dren.

Jeremia 40:6

Yaake vas o Yeremia an o foro Mispa pash o Gedalya, koleskro dad o Ahikam his, oun ačas pash leste mank peskre menshende, kay ačan pral an o them.

Jeremia 43:5

O Yohanan oun i tsele pralstoune lourde lan halauteren khetne pash pende, kay pral ačan dran o them Youda, oun kolla kay nashan penge an vavar themma, oun palle khere van, te djivenn le an o them Youda.

Jeremia 48:32

T'mer menshe an o foro Sibma, rovau boudeder pral t'mende har rovom pral o foro Yaser. Tou hal har i drakengro rouk; tire lengste kashta djan pral o baro pani, oun van bis pash o foro Yaser. An ko tsiro, kay i drake oun i vavar roukengre dren anlo venn, venn kolla pral lende, kay lauter paash krenna. Či ačell pral.

Micha 7:1

Me bibarhtelo, mange hi har yekeske, kay bokella, oun hatsell kek phabya ap o rouk, oun kek drake ap i drakengro rouk. Kol tsele lače phabya oun goudle drake hi krik.

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

5. Mose 1:38

O Yosua, koleskro dad o Noun hi, kova, kay glan t'mende tardo hi, kova vell an ko them. Koles kre zoreles! Yob anell i Israelenge an kava them, te lenn le les dren.”

5. Mose 16:13

Oun pal i niyal, te dan t'maro tselo djob vin oun anan i drake dren, rikrenn kol bare divessa dren, kay djivenn an patyengre khera. Efta divessa djivenn an lende,