Jeremia 4:6 - O Debleskro Lab 2024 (Sinte-Manouche)

⁶ Čivenn i sikepen pre ap o drom, hoy sikrell o drom an Sion! Nashenn oun ačenn gar tardo, me anau bari bibarht oun baro ropen, hoy vell kotar, kay norden hi.

O Debleskro Drom 2021 (Sinte)

⁶ Tchiwenn i sikepen pre ap o drom, hoi sikrell o drom an Zion! Nashenn un atchenn gar tardo, me anau bari bibacht un baro ropen, hoi well kotar, kai norden hi.

Jeremia 4:6 Iomraidhean Croise

Jesaja 62:10

Morshale an o foro Yerusalem, djan vin dran o foreskre voudya! Djan vin! Krenn i drom i menshenge, kay khere venn! Krenn o drom čačo! Lenn kol barra krik! Krenn ko drom djoudjo! Hadenn i sikepen pre i menshenge dran vavar themma!

Jeremia 10:22

Shounenn, hoy gole dino vell! Bari gole – har kourepangre vourdyendar – vell dran ko them, hoy kote čiddo hi, kay norden hi. Lourde venna oun krenn i forya an Youda yaake paash, te vell o them i moulo them, kay djivenn i divye djoukle dren.

Jeremia 18:11

Oun kanna Yeremia, pen kol menshenge an Youda oun kolenge, kay djivenn an Yerusalem: Kova penell o baro Devel: Djinenn, man hi an o dji, te dap t'men i phagi, oun kamau bibarht pral t'mende te anell. Doleske djan tele hakeno peskro čilačo dromestar! Oun djivenn i vavar djipen!

Jeremia 21:7

Oun koy pal dau me o Sedekya, ko baro rayes pral Youda, an kol vasta o baro rayestar pral Babilonia, o Neboukadnezar, ninna leskre pralstunen oun kol menshen kate an kava foro, kolla, kay gar meran ap o nasslepen, an o kourepen oun i bokatar. Kova penau me, o baro Devel. Me dau t'men an i vasta kolendar, kay kamenn t'men te marell. O Neboukadnezar moukell t'men lauteren o rhareha moulo te dell, oun les khaytell kova gar, oun yob krell peskro dji t'menge pandlo.

Jeremia 22:7

Me bičrau lourden pash toute, kay krenn tiro kheer paash; hakenes lendar hi peskro tover an o vast oun dell kol vi-rodede pesse kashta an kotya oun vitsrell len an i yag.

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.

Jeremia 4:21

Har rah hounte dikap me kol kourepangro sikepen, oun shounap koy phourdepangri gole?

Jeremia 50:2

Denn vin gole an i vavar themma! Halauter hounte shounenn! Hadenn t'mari themeskri plarhta pre! Hakeno te shounell kova! Rikrenn les gar pale! Penenn: O foro Babilon hi dren lino, Lengro devel Bel nay kras či, lengro devel Marduk hi khetne phagedo; lengre moule debla nay kran či, lengre figure hi pash kerdo!

Jeremia 50:22

Shounenn i kourepaskri gole an o them Babilonia, oun o baro ropen.

Jeremia 51:12

Hadenn o kourepaskri plarhta pre, te sikrenn, kay djan t'mer an o kourepen o foreha Babilon. Čivenn boud kourepangren troul o foro! Čivenn ninna kol lourden kote koy, kay garda denn! Čivenn ninna lourden khatemen pal o foro, te nay perenn le i Babilonaryen an o doumo. O baro Devel krell, hoy yob pes glan las, oun hoy lo pral i menshende an o foro Babilon rakras.

Jeremia 51:27

Hadenn o kourepaskri plarhta pre ap i phoub! Phourdenn an i phourdepaskri an i tsele themma! Denn i rayen pral i vavar themma gole, te djan le an o kourepen o foreha Babilon! Penenn i bare rayenge pral i themma Ararat, Minni oun Ashkenas, te bičrenn le lourden, te kourenn le pen i menshentsa an Babilon! Rodenn lourdengre pralstunen vin! Anenn yaake boud graya khetne har stepangre!

Jeremia 51:54

Bari gole vell shounlo dran o foro Babilon, oun zorelo ropen dran o them Babilonia.

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.

Jeremia 6:22

Kova penell o baro Devel: Denn garda: Boud menshe venna dran lengro them, hoy kote čiddo hi, kay norden hi. Ava, boud menshe krenn pen ap o drom an ko dour them, te djan le an o kourepen.

Ezekiel 9:1

Oun me shounom, har das o baro Devel zoreles gole, oun penas: Mou venn le, kolla, kay denn o foro peskri phagi! Hakeno lendar te lell peskro kourepaskro kasht an o vast!

Ezekiel 9:2

Koy van shob morsha ap o drom, kay vas kotar, kay o pralstouno baro voudar hi, ap i nordetikri rig o baro Debleskro kherestar. Oun hakenes his čomone an o vast, koleha yob nay marell. Oun pash lende his yek, koleskre koola his dran layntikro than. Ap leskro pereskri dori his i činepaskri pandlo, koleha yob nay laba pre činell. Oun yon van oun ačan pash i sasterni rhačepaskri tardo.

Zefanja 1:10

Ap ko dives vell i bari gole shounlo, hoy vell kotar, kay o Mačengro Voudar hi. Oun i ropen vell shounlo, hoy vell dran o Nevo Foro. Oun i kourepaskri gole vell i tikne bergendar. Kova penell o baro Devel.

Zakarie 6:6

I kale graya djan ap i servi rig, i parne graya djan ap i rig, kay o kham tele djal, oun i kalo-parne graya djan ap i čači rig.