Jeremia 4:30 - O Debleskro Lab 2024 (Sinte-Manouche)

³⁰ Yerusalem, tou hal dino! Hoy kreh tou? Tou riveh kouč lole koola ap toute, čiveh sonakay ap toute, oun makeh tire yaka an. Tou kreh tout shoukar čičeske! Tire pirne kamenn tout gar bouder, oun kamenn tout moulo te dell.

O Debleskro Drom 2021 (Sinte)

³⁰ Jerusalem, tu hal dino! Hoi kreh tu? Tu riweh kutch lole koola ap tute, tchiweh sonakai ap tute, un makeh tire jaka an. Tu kreh tut shukar tchitcheske! Tire pirne kamenn tut gar buder, un kamenn tut mulo te dell.

Jeremia 4:30 Iomraidhean Croise

2. Rajengro liil 9:30

Har o Yehou an o foro Yesreel vas, oun i Isebel kova shounas, kras yoy peskre yaka shoukar oun peskre balla ap o shero rayles, oun dikas dran i vorhni vin.

Gosewe laba 6:25

Mouk tiro dji gar lakro shoukapen palla te nashell! Mouk tout gar lakre shoukar yakentsa te taprell!

Gosewe laba 7:10

Koy dikom lat, koy djouvel, rido an i ripen har i loubni. Yoy djal pash leste oun djinell mishto, hoy lat glan hi.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 20:6

Palle penenn kolla, kay pash o baro pani djivenn: Hi kolla kal menshe, pash kolende nasham, te lenn le men vin dran i vasta o baro rayestar pral Assour? Koon nay lell men kanna gomme koy vin?

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jeremia 13:21

Hoy peneh tou, te kamell o baro Devel, te venn kolla ray pral toute, kay an tire yaka tire mala his? I doukatar deh tou gole har i djouvel, kay lell i ternepen.

Jeremia 22:23

Kanna hi tiro baro ray beshdo ap i berga Libanon, oun moukell peske mishto te djal an khera dran cedertikro kasht. Sik vell koy phagi pral leste. Oun palle dell lo gole i doukatar, har i djouvel, kay lell i ternepen.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Ropaskre gilja 1:19

Me kharom mire pirnen, oun yon moukan man kokres. Mire rashaya oun i phoureder meran an o foro, har dikan le pal i kotar maro, te nay rikrenn le pen djido.

Ropaskre gilja 1:2

An i rati roveh, oun tire sva nashenn touke i čamya tele. Kek tire tsele pirnendar vell, oun penell touke i kamlo lab. Tire tsele mala moukan tout, oun van čilačes ap toute.

Ropaskre gilja 4:17

Pale te pale dikan mare yaka pen trouyel pal yekeste, kay menge ap i rig vell. Oun kek vas. Ko them, ap koleste dikam, nay las men gar dran i bibarht vin.

Ezekiel 28:13

Tout his i shoukar djipen, har te djivals an o Debleskri bar Eden. Ap toute his hake kouč barra: Rubin, Topas, Diamant, Krisolit, Onyx, Yaspis, Safiro, Karfunkel oun Smaragdo. Kol barra his an shoukar kerdo sonakay dren pandlo, oun touke koy, te less len ap ko dives, kay boldo val.

Ezekiel 28:9

Te dikeh tou palle kolenge an o mouy, kay tout moulo denn, peneh bouder gar: “Me hom o Devel!” Te hal an i vasta kolendar, kay marenn tout, hayveh, te hal i mensho oun kek devel.

Obadja 1:7

Tire tsele mala tradenn tout dran tiro them vin! Kolen tou patsal, yon rhorhenn tout, oun perenn touke an o doumo. Kolla, kay tiro maro rhan, phoukrenn ap toute, oun tou hayveh les gar.

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

Debleskro tsiro 17:13

Kolla rikrenn khetne, te denn le pengri zoor ko firhes, te vell koles boud penepaske.

Debleskro tsiro 17:2

I bare raya ap kay phoub čivan pen lah khetne. Ko vi-ladjedo koova, hoy koy djouvel kras, hi har i mool, hoy piyan kolla, kay ap i phoub djivenna, oun latar mato van.”

Debleskro tsiro 17:4

Oun koy djouvel his rido an i kouč lolo ripen. Oun ap late hi sonakay oun kouč barra oun mirklia. Oun lat his i sonakaskro khoro an lakro vast, pherdo djoungelo koova oun savo koova, hoy hi pale-čiddo glan o Debleste. Kava koova vas dran lakro vi-ladjedo djipen.