Jeremia 4:3 - O Debleskro Lab 2024 (Sinte-Manouche)

³ Kova hi, hoy penell o baro Devel i menshenge an Youda oun an Yerusalem: Lenn i nevo kotar phoub oun phagenn i phoub pre! Ma vitsrenn o djob mank i soubyengro zenlepen!

O Debleskro Drom 2021 (Sinte)

³ Kowa hi, hoi penell o baro Dewel i menshenge an Juda un an Jerusalem: Lenn i newo kotar phub un phagenn i phub pre! Ma witsrenn o djob mank i subjengro senlepen!

Jeremia 4:3 Iomraidhean Croise

1. Mose 3:18

Soubyengre bourra venn baro ap tiri harhetikri phoub oun tou rhah ko zenlepen, hoy vell koy pre baro.

2. Mose 23:11

An o eftato bersh ma vitse tiri djob ap tiri phoub vin! Oun ko djob, hoy an ko bersh pre djal oun bares vell, kova mouk i čorvelenge tardo! Oun kova, hoy i čorvele pral moukenn, kova mouk i divye firhenge tardo! An ko eftato bersh mouk ninna i molengre drake oun i olivtikre drake ap i rouka i čorvelenge. Oun kova, hoy yon pral moukenn, vell i divye firhenge.

Hosea 10:12

Djivenn an o čačepen, te vell lačepen dran t'maro djipen! Krenn t'maro dji neves pre o baro Debleske, yaake har i harho i nevo kotar phoub pre krell o djobeske. Kanna hi o tsiro, te rodenn man, o baro Debles. Palle vau oun čorau o lačepen pral t'mende vin har i brishin.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Mateo 13:7

Vavar djob peras mank i soubyengre bourra, oun kol bourra van yaake baro, te las o djob kek dourho bouder, oun yob meras.

Markus 4:7

Vavar tikno djob peras tel i soubyengre bourra, oun kol bourra van baro oun tassran les, yaake, kay vas ko djob gar baro.

Louka 8:14

Ko kotar phoub, kay o djob mashkral i soubyengre bourra peras, hi har o dji kol menshendar, kay shounenn o Debleskro lab oun rikrenn les i tsiro an pengre djia. Te vell i daar an lengro djipen, oun te vell o bravlepen glan lengre yaka, oun ko shoukar djipen, palle vell ko lab lendar tassedo oun rakrell bouder gar an lengre djia.

Louka 8:7

Oun vavar djob peras mashkral i soubyengre bourra, oun kol bourra van yaake baro, te las o djob kek dourho bouder, oun yob meras.