Jeremia 4:23 - O Debleskro Lab 2024 (Sinte-Manouche)

²³ Me dikom ap kay phoub. Koya his moulo. Kek djipen his koy. Me dikom an o bolepen. Kova his tamlo.

O Debleskro Drom 2021 (Sinte)

²³ Me dikom ap kai phub. Koja his mulo. Kek djipen his koi. Me dikom an o bolepen. Kowa his tamlo.

Jeremia 4:23 Iomraidhean Croise

1. Mose 1:2

Har i phoub kerdo vas, his či koy pre. Kek djipen his koy. His rati oun zorelo pani his pral halauter. Oun o Debleskro dourho his pral o pani.

Jesaja 13:10

I bolepangre momlia rhačenn bouder gar. Hi save koy, kay dikeh bouder gar. O kham vell kalo, sik pal kova kay lo pre djas. Oun o čon hi bouder gar djelto.

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jeremia 2:12

Dare tou, bolepen, oun tout vell traash pral kava koova, penell o baro Devel.

Jeremia 9:10

O baro Devel penell: Me kamau Yerusalem tele te phagell, yaake te ačenn kokres barra pral, oun kay divye djoukle dren djivenna. Oun dran kol forya an Youda krau i moulo them, kay nay djivell kek bouder dren.

Ropaskre gilja 3:2

Man anas lo doureder oun doureder an i kali rati, oun kek momeli his koy.

Joel 2:10

I phoub oun o bolepen trissenna glan lende, o kham oun o čon venn kalo, oun i bolepangre momlia rhačenn bouder gar.

Amos 8:9

O baro Devel, maro ray, penell: An ko dives djal o kham tele mashkral o dives. Oun mashkral o dives vell i rati pral o them.

Zakarie 14:6

Ap ko dives dell bouder kek shilapen oun kek djayepen.

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Mateo 24:35

O bolepen oun i phoub ačenna gar. Mire laba ačenna hako tsiro.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.