Jeremia 4:15 - O Debleskro Lab 2024 (Sinte-Manouche)

¹⁵ Shounenn, bičepangre venna dran o foro Dan oun dran i berge Efrayim, oun rakrenn pral ko čilačo koova, hoy vella.

O Debleskro Drom 2021 (Sinte)

¹⁵ Shunenn, bitchepangre wenna dran o foro Dan un dran i berge Efrajim, un rakrenn pral ko tchilatcho koowa, hoi wella.

Jeremia 4:15 Iomraidhean Croise

Jesaja 52:7

Har shoukar hi, te vell kova pral i berge, kay penell menge lačo nevo koova, oun penell: Hi bouder kek kourepen. I lačo tsiro vas. T'mer han bouder gar pandlo. Oun ap mende an Sion penell lo: Tiro Devel hi o baro ray!

Jeremia 10:22

Shounenn, hoy gole dino vell! Bari gole – har kourepangre vourdyendar – vell dran ko them, hoy kote čiddo hi, kay norden hi. Lourde venna oun krenn i forya an Youda yaake paash, te vell o them i moulo them, kay djivenn i divye djoukle dren.

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.

Jeremia 8:16

Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

Josua 17:15

Kote penas o Yosua ap lende: “Te han t'mer yaake boud menshe, te hi kol berge Efrayim gar bares doha t'menge, palle djan pre an o veesh an o them, kay i Perisarya oun i Refayarya djivenn, oun denn kote kol rouka trouyel, te vell t'men boudeder them.”

Josua 20:7

Oun i morsha dran Israel rodan kal forya vin, te venn le naashepangre forya: o foro Kedesh an o them Galilea ap i berga Naftali; o foro Sichem an o them Efrayim; oun o foro Kiryat-Arba, hoy hi kanna Hebron, ap i berge Youda.

Čačepangre 18:29

Oun yon dan ko fores o lab Dan, yaake har lengro phouro dad kharas, koleskro dad o Israel his. Glan kova kharas ko foro Layish.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.