Jeremia 39:9 - O Debleskro Lab 2024 (Sinte-Manouche)

⁹ O pralstouno i lourdendar – leskro lab his Nebouzaradan – kova anas kolen, kay gomme an o foro his, ninna kolen, kay pash lende vergel nashan, pandles an o them Babilonia.

O Debleskro Drom 2021 (Sinte)

⁹ O pralstuno i lurdendar – leskro lab his Nebusaradan – kowa anas kolen, kai gomme an o foro his, ninna kolen, kai pash lende wergel nashan, pandles an o them Babilonia.

Jeremia 39:9 Iomraidhean Croise

1. Mose 37:36

Oun i parepangre dran o them Midian bikran o Yosefes an o them Egiptia ap yekeste kol rayendar, kay an o baro rayeskro kheer hi. Leskro lab his Potifar. Yob his o pralstouno kolendar, kay denn garda ap o baro rayeste pral o them Egiptia.

2. Rajengro liil 20:18

Ninna tire čavendar, kay toutar venna, venn lino oun venn boudepangre an o kheer o baro rayestar pral o them Babilonia.”

2. Rajengro liil 25:11

Oun kol menshen, kay pral ačan an o foro Yerusalem, anas o Nebousaradan pandles krik an o them Babilonia, ninna kolla, kay dan pen an o vast o baro rayestar pral o them Babilonia, khetne kolentsa, kay pral ačan kol boudendar, kay glan i tsiro koy djivan.

2. Rajengro liil 25:20

Kolen halauteren las o Nebousaradan, ko pralstouno lourdo pandlo, oun anas len pash o baro rayeste an o foro Ribla an o them Babilonia.

Jesaja 5:13

Doleske penell o baro Devel: Mire menshe hayvan či. Doleske venn le pandles krik lino, oun i bravele mank lende merenn i bokatar, oun kol boud menshe merenn i troushatar.

Jeremia 10:18

O baro Devel penell: Kava kopo kamau me kal menshen krik tradell dran lengro them, te venn yon an i traash, oun lenn bare douka.

Jeremia 16:13

Doleske tradau me t'men dran kava them vin an i them, kay prindjrenn t'mer gar oun kay prindjran t'mare phoure vitar gar. Kote hounte venn vavar deblenge koy ap o dives oun ap i rati; me krau miro dji t'menge pandlo.

Jeremia 24:8

O baro ray Sedekya dran o them Youda oun kol pralstoune, kay leske boudrenn, oun kol tsele menshe, kay pral ačan an o foro Yerusalem oun an o them Youda, ninna kolla, kay nashan penge an o them Egiptia, kolentsa lauterentsa krau me yaake har kol djoungele faygentsa, hoy yaake djoungele hi, te nay rhal len kek. Kova penau me, o baro Devel.

Jeremia 38:19

O baro ray Sedekya penas ap o Yeremia: Man hi traash, te vap an o vast dino kol menshendar dran o them Youda, kay nashan vergel pash i Babilonarya, oun yon mantsa djoungelo koova krenna.

Jeremia 40:1

I lourde dran Babilonia tapran boud menshen dran o foro Yerusalem oun dran vavar gaba oun forya an o them Youda. Yon pandan len shellentsa oun anan len khetne an o foro Rama, te anenn le len pandles an o them Babilonia. Mank lende his ninna o Yeremia, peskre vasta i shellentsa pandles. Kote hatsas les o pralstouno i lourdendar, o Nebouzaradan, oun moukas les te djal. Pal kova rakras o baro Devel o Yeremiyeha.

Jeremia 40:7

Koy his pralstoune lourde dran o them Youda pengre lourdentsa kate te kote an o them. Yon shounan, kay čivas o baro ray dran o them Babilonia ko čaves o Ahikamestar, o Gedalya, pral o them oun pral kol morshende oun djouvyende oun čavende oun kol čorvelende, kay gomme an o them Youda his, oun gar an o them Babilonia krik anlo van.

Jeremia 52:26

Kolen las o Nebouzaradan, ko pralstouno lourdo, pandlo, oun anas len pash o baro rayeste dran o them Babilonia. Kova his an o foro Ribla.

Jeremia 52:27

Oun o baro ray pral o them Babilonia moukas len temerl te dell an o foro Ribla, hoy an o them Hamat čiddo hi. Yaake hounte djan i menshe dran o them Youda an o pandepen.

Daniel 2:14

Koy djas o Daniel pash o pralstouno lourdeste kolendar, kay dan yak ap o baro rayeste. Leskro lab his Aryok. Yob his kova, kay vin djas, te marell lo i sikle morshen an o them Babilonia. Oun o Daniel rakras goseve labentsa leha oun poučas lestar:

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

5. Mose 4:27

O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.