Jeremia 39:8 - O Debleskro Lab 2024 (Sinte-Manouche)

⁸ Kol lourde dran Babilonia rhačran o baro rayeskro kheer oun kol tsele menshengre khera an o foro Yerusalem, oun dan o foreskre massurya tele.

O Debleskro Drom 2021 (Sinte)

⁸ Kol lurde dran Babilonia chatchran o baro rajeskro kheer un kol tsele menshengre khera an o foro Jerusalem, un dan o foreskre massurja tele.

Jeremia 39:8 Iomraidhean Croise

2. Rajengro liil 25:8

O baro rayes pral o them Babilonia, o Neboukadnezar, les his i baro lourdo an peskro kheer. Koleskro lab his Nebousaradan. Yob his o pralstouno pral i lourdende. Har his o Neboukadnezar an o deesh-te-enyato bersh o baro ray pral o them Babilonia, koy vas o Nebousaradan ap o eftato dives an o pančto čon an o foro Yerusalem.

2. Familjakro liil 36:19

Kol lourde dran o them Babilonia rhačran o baro Debleskro kheer oun phagan o foreskre massurya tele. Oun i tsele turme rhačran le i yagatar vin. Oun yaake vas lengro tselo kouč koova rhačedo an i yag oun bouder či moldo.

Nehemia 1:3

Oun yon penan mange: “Kol menshe an o them Youda, kay van gar pandles krik anlo, djivenn an bari bibarht oun ladj. Oun i massouri troul Yerusalem hi tele phagedo, oun i bare voudya hi pre-rhačedo.”

Debleskri gili 79:7

Yon rhan o Yakobes pre, oun stakran leskro them paash.

Jesaja 5:9

O baro Devel, ko ray pral o bolepen oun i phoub, das pes sovel oun penas glan mire kanda: Kol boud khera venn paash dino, oun kek djivell bouder an kol bare shoukar khera!

Jeremia 17:27

Te shounenn t'mer gar ap mande, oun djivenn ap o Debleskro dives har ap hako vavar dives, oun hidjrenn t'maro koova ap o Debleskro dives dren an kol voudya o forestar Yerusalem, palle čivau me yag an kol voudya, te rhačrenn i zorele khera pre an Yerusalem. Oun kek nay krell koy yag vin.

Jeremia 21:10

Djinenn, man hi zoreles glan, te anap bibarht pral kava foro, oun vau gar ap leskri rig, penell o baro Devel. Kava foro perell an o vast ko baro rayeske pral Babilonia. Kova čivell yag ap leste oun rhačrell les pre.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 34:2

Koy penas o baro Devel, kay o Israeleskro Devel hi, ap o Yeremia: Dja pash o Sedekya, ko rayeste pral o them Youda, oun pen leske: Kova penell o baro Devel: Me dau kava foro an o vast o baro rayestar dran o them Babilonia, oun yob rhačrell les tele.

Jeremia 34:22

Ava, me kharau len pale kay, oun anau len pale glan kava foro, penell o baro Devel. Yon venn troul kava foro tardo, oun lenn kava fores penge dren, oun rhačrenn les tele. Oun kol forya an o them Youda moukau yaake khetne te dell, te venn le har i moulo them, kay nay djivell bouder kek dren.

Jeremia 37:10

Te nay marans t'mer ninna i tsele lourden dran o them Babilonia khetne, kolla kay kourenn pen t'mentsa, oun te ačans lendar kokres i vast pherdo pral, kay doukedo hi, palle stakrans le dran pengre plarhtene khera pre, oun rhačrans kava fores tele.

Jeremia 38:18

Te djah tou gar vin pash o pralstunende o baro rayestar dran o them Babilonia, palle dau kava foro an lengro vast. Oun yon rhačrenn kava fores pre. Oun tou nay nasheh vitar gar lendar krik.

Jeremia 5:10

Nashenn pre, kay lengre drakengre rouka tardo hi, oun krenn len paash! Ma tserdenn i tsele bourra vin! Moukenn čomone tardo! Tserdenn i kashta i drakentsa vin, kolla hi gar mange.

Jeremia 7:20

Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Ropaskre gilja 1:10

Oun yon čivan pengre vasta ap lakro tselo kouč koova. Yoy hounte dikas peske yakentsa, har i vavar menshe an lakro Debleskro kheer dren djan. Oun tou, baro Devel, penal, te hounte djan yon gar kote dren.

Ropaskre gilja 2:2

I gaba oun i khera kras lo paash, an kolende o Yakobeskre čave djivan. Oun yon khaytan les gar. I zorele forya an o them Youda phagas lo tele an peskri rholi. Pral lengro them anas lo ladj, oun lengre raya vitsras lo an i čik.

Ropaskre gilja 2:7

Foun peskro altaro kamell lo bouder či te djinell. Peskro khereske sikrell lo o doumo. Leskre massurya das lo kolenge an o vast kay maro foro paash kran, oun koy pashel i bari gole dan an o baro Debleskro kheer, har an kol bare divessa, kay kote boud menshe khetne van.

Ezekiel 16:41

Oun tire khera rhačrenn le an i yag pre, oun denn tout tiri phagi glan i yaka boud djouvyendar. Yaake krau, te nay loubreh bouder gar trouyel, oun nay gineh touke bouder kek pirnes.

Ezekiel 23:47

Oun palle vitsrenn le len barrentsa moulo, oun denn len pengre rharentsa an kotya, oun denn lengre morsh čaven oun lengre čen moulo, oun rhačrenn lengre khera.

Ezekiel 33:21

An o 12. (deesh-te-douyto) bersh, kay mer pandlo krik lino hams, an o deshto čon, ap o pančto dives an ko čon, kote vas yek pash mande, kay nay nashas peske dran o foro Yerusalem, oun penas: O foro hi dren lino!

Amos 2:5

Me bičrau i yag an o them Youda, oun rhačrau kol zorele khera tele an Yerusalem.

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.