Jeremia 39:18 - O Debleskro Lab 2024 (Sinte-Manouche)

¹⁸ Me kamau te djivess, oun te vess gar o rhareha maredo. Tou patsal mange. Doleske krau, te nay nasheh touke. Tiro djipen ačell touke. Kova penell o baro Devel.

O Debleskro Drom 2021 (Sinte)

¹⁸ Me kamau te djiwess, un te wess gar o chareha maredo. Tu patsal mange. Doleske krau, te nai nasheh tuke. Tiro djipen atchell tuke. Kowa penell o baro Dewel.

Jeremia 39:18 Iomraidhean Croise

1. Familjakro liil 5:20

Oun i lourde dran i khera Ruben oun Gad oun Manasse dikan ap o baro Debleste oun dan gole ap leste, te vell lo lenge ap i rig. Oun yob shounas ap lende, oun das i Hagararya an lengre vasta oun lauteren, kay pash lende his.

Hiob 5:20

Te hi bari bok an o them, moukell lo tout gar te merell. Oun an o kourepen moukell lo tout gar i rhareha te marell.

Debleskri gili 147:11

O baro Debleske hi kolla shoukar, kay leha djivenna oun ap leste dikenna, te vell lo lenge lačes.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Debleskri gili 33:18

Kova hi o baro Devel, kay dell garda ap kolende, kay djivenn leha, kolla, kay dikenn ap leste, te vell lo lenge lačo,

Debleskri gili 34:22

O čilačo merell dran peskro čilačepen. Oun kolla, kay kamenn čilačepen ap i lačende te anell, lenna pengri phagi.

Debleskri gili 37:3

Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Debleskri gili 84:12

Maro baro Devel hi o kham maro djipaske. Yob rikrell peskre vasta pral mende. O baro Devel dell men lačepen oun raylepen. Kolen, kay o djiyestar ap leste shounenna, dell lo hako lačepen, hoy len hounte vella.

Debleskri gili 91:7

Ninna te perenn i zerya menshe ap tiri rig, oun deesh zerya ap tiri čači rig, touke djal či.

Jesaja 26:3

Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

Jeremia 21:9

Koon an kava foro ačella, hounte merella an o kourepen, i bokatar, oun ap i pharo nasslepen. Koon vin djala oun pash kol Kaldearya nashella, kay troul t'maro foro tardo hi, kova ačell djido. Leske ačell či har peskro djipen.

Jeremia 38:2

Kova penell o baro Devel: Kova, kay ačell an kava foro, kova vell o rhareha, i bokatar oun i nasslepastar maredo. Oun kova kay djal vin pash i Babilonarya, kova ačell djido, ninna te ačell leske či har peskro djipen.

Remarja 2:12

Kolla, kay kran o čilačepen, djan nashedo, ninna te prindjran le gar o Moseskre laba, kay penenn, har yon hounte djivenn. Oun lauter, kay prindjran kol laba oun kran o čilačepen, lenn ninna pengri phagi.

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rayeste, kolestar o Devel penas, te vell yob. Oun kanna hi lo kay.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!