Jeremia 38:9 - O Debleskro Lab 2024 (Sinte-Manouche)

⁹ Miro baro ray, kova hoy kal morsha ko morsheha Yeremia kran, hi i baro čilačo koova. Yon vitsran o Debleskro rakepaskres an koy brounna. Kote hounte merell lo i bokatar. Kate an i foro hi bouder kek maro.

O Debleskro Drom 2021 (Sinte)

⁹ Miro baro rai, kowa hoi kal mursha ko mursheha Jeremia kran, hi i baro tchilatcho koowa. Jon witsran o Debleskro rakepaskres an koi brunna. Kote hunte merell lo i bokatar. Kate an i foro hi buder kek maro.

Jeremia 38:9 Iomraidhean Croise

Hiob 31:34

Man his kek daar kolestar, hoy nay rakrens i menshe pral mande, vitar kek traash i ladjatar, hoy nay anens mire menshe ap mande, te penoms doleske či, oun djoms gar glan miro voudar.

Jeremia 19:9

Kol lourde, kay kamenn len te marell, čivenn pen troul o foro oun pandenn les dren. Koy vell savo čilačo tsiro, kay kol menshe an ko foro yek i vavares pre rhan, ninna pengre čaven rhan yon pre.

Jeremia 37:21

Kote moukas o baro ray Sedekya te penell, te rikrenn le o Yeremia ap koy platsa stildo, kay rikran pen i lourde pre. Oun yob moukas leske hako dives i maro te anell, kotar kay o maro peklo vas, yaake rah bis te his bouder kek maro an o foro. Yaake ačas o Yeremia ap koy platsa stildo.

Jeremia 38:10

Kote penas o baro ray Sedekya ap o Ebed-Melek: Le triin morshen touha oun tserde les dran koy brounna vin, te merell lo gar.

Jeremia 38:8

Oun o Ebed-Melek djas dran o rayeskro kheer pash o baro rayeste oun penas:

Jeremia 39:17

Tout kamau an ko tsiro vin te lell dran i bibarht, penell o baro Devel. Oun tou veh kol menshenge gar an o vast dino, glan kolende tout traash hi.

Jeremia 52:6

Ap o enyato dives an o starto čon vas i bok bares an o foro, oun i menshen his bouder či te rhal.

Ropaskre gilja 1:11

I menshe an Yerusalem rovenna oun rodenn pal maro. Lengro kouč koova denn le koy, te vell len rhapaske, te hounte merenn le gar. Yerusalem rovell: “Ah baro Devel, kre tire yaka pre, oun dik, har i menshe tele dikenn ap mande!”

Ropaskre gilja 3:53

Yon vitsran man djides an i brounna, oun vitsran barra ap mande.