Jeremia 38:7 - O Debleskro Lab 2024 (Sinte-Manouche)

⁷ An o baro rayeskro kheer his i pralstouno dran o them Etiopia. Leskro lab his Ebed-Melek. Kova shounas, kay o Yeremia an koy brounna vitsedo vas. Ap ko dives his o baro ray Sedekya beshdo pash ko Benyamineskro Voudar.

O Debleskro Drom 2021 (Sinte)

⁷ An o baro rajeskro kheer his i pralstuno dran o them Etiopia. Leskro lab his Ebed-Melech. Kowa shunas, kai o Jeremia an koi brunna witsedo was. Ap ko diwes his o baro rai Zedekja beshdo pash ko Benjamineskro Wudar.

Jeremia 38:7 Iomraidhean Croise

2. Rajengro liil 24:15

Oun yob moukas an o them Babilonia te anell: o Yoyakin oun leskri day oun leskre romya; kol raya, kay an leskro kheer his; ninna pandas lo an o foro Yerusalem i pralstunen pral o them Youda, oun anas len an o them Babilonia;

Debleskri gili 68:31

de ko themes Egiptia trad, ko divyo firhes pash o pani. Činge kol zorelentsa oun rayentsa pral boud menshende! Čip tout kolenge an o drom, kay pal o roup nashenna. Trade kol natsyone, kolenge o marepen shoukar hi.

Gosewe laba 29:10

I marepangre hi rhoyedo pral koleste, kay kek doosh ap peste anas. Kolla, kay an o čačepen tardo hi, denn yak ap koleskro djipen.

Jesaja 56:3

Oun i vi-themari, kay djal ap o baro Debleskro drom, kova hounte penell gar: O baro Devel čivell man pale peskre menshendar. Oun ko morsh, kay yaake činlo hi ap peskro mass, te lell lo bouder kek čave, hounte penell gar: Me hom i moulo rouk!

Jeremia 13:23

Nay krell i kalo mensho peskri kali hauta vavarčandes? Na-a! Nay krell i divyi margodja peskre balla vavarčandes? Na-a! Yaake nay krenn t'mer kek lačepen, ko čilačepen djas t'menge an o mass oun o rat.

Jeremia 20:2

das lo les, oun pandas leskre herya an i kotar kasht pash o voudar, hoy kharell Benyamineskro Voudar, oun hi pash o baro Debleskro kheer.

Jeremia 26:16

Palle penan i pralstoune oun kol vavar menshe ap i rashayende oun kol rhorhene rakepangre: “Kava morsh hounte merell gar! Yob penas menge kol laba, hoy das les maro baro Devel.”

Jeremia 29:2

Yob činas kava liil pal kova, kay o baro ray Yekonya oun leskri day krik anlo van khetne kol pralstunentsa dran o baro rayeskro kheer oun i pralstunentsa dran o them Youda oun dran o foro Yerusalem. Ninna kol boudepangre an Yerusalem, kay hayvenn mishto te boudrell o kashteha oun o sasteha van lentsa krik anlo.

Jeremia 37:13

Har yob pash o Benyamineskro Voudar vas, his kote i lourdo, kay das garda, koon dren te vin nashella. Kova kharas Iria, leskro dad his o Shelemya, koleskro dad his o Hananya; o Iria das garda ap ko voudar, oun rikras o Yeremiyes peske vastentsa pre, oun penas: Tou kameh pash i Babilonarya vergel te nashell.

Jeremia 38:8

Oun o Ebed-Melek djas dran o rayeskro kheer pash o baro rayeste oun penas:

Amos 5:10

Rhoyedo han t'mer ap koleste, kay t'menge o čačepen penell, oun t'mende sikrell, kay kova gar mishto hi, hoy kran.

Zakarie 14:10

O tselo them Youda vell i bourhlo telstouno them mank o foro Geba oun o foro Rimmon, hoy hi čačes o forestar Yerusalem čiddo. O foro Yerusalem ačell pralstounes čiddo, oun djal o voudarestar Benyamin bis kote, kay o ersto voudar his, oun kotar doureder bis pash o voudar, kay i rigya khetne venna, oun foun o turmo Hananel bis kote, kay i mool dran i drake o baro rayeske kerdo vas.

Mateo 20:16

Oun o Yezous penas doureder: “Dikenn, yaake venn boud palla tardo, kay kanna glan tardo hi. Ninna venn boud glan tardo, kay kanna palla tardo hi.”

5. Mose 21:19

palle hounte anenn o dad oun i day les pash i phourende an ko foro ap i platsa, kay venn le khetne.

Josua 20:4

Koon pash sau foro nashell, hounte ačell tardo glan o foreskro voudar oun anell leskro koova glan i phourende an kava foro. Oun kolla lenn les palle an o foro pash pende pre, te nay djivell lo pash lende.